مونيتورينگ بارىسىندا 65 ەڭ الەۋمەتتىك-ماڭىزدى دەگەن مەملەكەتتىك قىزمەت كورسەتۋلەر قامتىلدى. ولاردىڭ ىشىندە – جىلجىمايتىن مۇلىككە قۇقىقتى مەملەكەتتىك تىركەۋ، مەملەكەتتىك الەۋمەتتىك جاردەماقى تاعايىنداۋ، مەكتەپكە دەيىنگى بالالار ۇيىمدارىنا باعىتتاۋ ءۇشىن مەكتەپ جاسىنا دەيىنگى بالالاردى كەزەككە قويۋ، جەدەل مەديسينالىق جاردەم شاقىرۋ، تاۋارلاردى كەدەندىك تازارتۋ، ق ر قارۋلى كۇشتەرىنىڭ قىزمەتتىك تۇرعىن ۇيگە مۇقتاج اسكەري قىزمەتكەرلەرىن تىركەۋ، مەملەكەتتىك اتاۋلى الەۋمەتتىك كومەكتى تاعايىنداۋ سىندى ماڭىزدى قىزمەتتەر قامتىلدى.
سۇراۋ جۇرگىزۋ كەزىندە كەلەسىدەي نەگىزگى پرينسيپتەر ساقتالدى: ايقىندىق، زاڭدىلىق، وبەكتيۆتىلىك، جانجاقتىلىق، شىنايىلىق جانە بەيتاراپتىق. مەملەكەتتىك قىزمەت كورسەتۋ ساپاسى اقپارات، قولجەتىمدىلىك، قىزمەتكەرلەر، راسىمدەر، مەرزىمدەر، شىعىندار، كەرى بايلانىس، ناتيجە سياقتى كريتەريلەرمەن باعالاندى. مەملەكەتتىك قىزمەتتەردى الۋ ءۇشىن رەسپوندەنتتەر ستاندارتتارعا سايكەس اتالعان قىزمەتتەر كورسەتەتىن ورگاندار جۇمىسىنا بايلانىستى ءار ءتۇرلى قۇرىلىمدار مەن ۇيىمدارعا جۇگىندى.
سۇراۋ سالۋ قورىتىندىسى بويىنشا 14219 قىزمەتالۋشى بولسا، بۇل جارتىسىنان كوبىنىڭ (51،5%) سول جانە وزگە دە مەملەكەتتىك قىزمەت كورسەتەتىن قىزمەتبەرۋشى وفيسىنە جۇگىنگەندىگىن انىقتاپ وتىر. ال 40،3% جاعدايىندا ولار حقكو جۇگىنگەندىگىن، تەك سونىڭ 1،6% حقكو ءوز وزىنە قىزمەت كورسەتۋ ايماعىندا مەملەكەتتىك قىزمەتتى الا العان. تاعى قىزمەتالۋشىلاردىڭ 8،2% مەملەكەتتىك قىزمەتتى وزدەرىنىڭ موبيلدىك قوسىمشاسىنداعى جانە كومپيۋتەرىندەگى پورتالدان العان.
قوعامدىق مونيتورينگ قورىتىندىسى بويىنشا رەيتينگتە ەڭ جوعارى باعانى مىناداي قىزمەتتەر: «مەملەكەتتىك ەمەس وبليگاسيالاردى شىعارۋدى مەملەكەتتىك تىركەۋ»، «وتۋگە رۇقساتتاما بەرۋ جانە شەكارالىق بەلدەۋدە بولۋ»، «تەحنيكالىق جانە كاسىبي ءبىلىم بەرۋ ۇيىمدارىندا وقىپ جاتقاندارعا جاتاقحانا بەرۋ»، «قۇجاتتاردى قابىلداۋ جانە جالپى ءبىلىم بەرۋ، نەگىزگى ورتا، باستاۋىش جالپىبىلىمبەرۋ باعدارلامالارى بويىنشا وقىتۋ ءۇشىن ۆەدومستۆولىق باعىنىشتىلىعىنا قاراماستان ءبىلىم بەرۋ ۇيىمىنا قابىلداۋ»، «ەكونوميكالىق شوعىرلانۋعا كەلىسىم تۋرالى وتىنىشتەردى قاراۋ»، «تاۋرلاردىڭ جىكتەلىمى تۋرالى الدىن الا شەشىم قابىلداۋ»، «مەكتەپكە دەيىنگى بالالار ۇيىمدارىنا باعىتتاۋ ءۇشىن مەكتەپكە دەيىنگى (6 جاسقا دەيىن) بالالاردى كەزەككە قويۋ» جانە «يونداۋشى ساۋلەلەردى گەنەراسيالايتىن قۇرىلعىلار مەن قوندىرعىلارمەن جۇمىس ىستەۋگە رۇقساتتاما بەرۋ» الدى.
ايتارلىقتاي تومەن باعامەن باعالانعاندار «جەدەل مەديسينالىق جاردەم»، «جىلجىمايتىن مۇلىككە قۇقىقتى مەملەكەتتىك تىركەۋ»، «مۇگەدەكتەردى ساناتورلى-كۋرورتتىق ەمدەۋمەن قامتاماسىز ەتۋ»، «تاۋارلىق بەلگىنى تىركەۋ»، «مۇگەدەكتەرگە ولارعا پروتەزدىك-ورتوپەديالىق كومەك كورسەتۋ ءۇشىن قۇجاتتاردى راسىمدەۋ» جانە وزگەلەرى.
قوعامدىق مونيتورينگ قورىتىندىسى بويىنشا مەملەكەتتىك قىزمەت كورسەتۋ باعىتىندا ورتالىق ورگانداردىڭ رەيتينگى قالىپتاستىرىلدى. ولاردا ۇلتتىق قاۋىپسىزدىك كوميتەتى، يندۋستريا جانە ينفراقۇرىلىمدىق دامۋ مينيسترىلىگى (ورتاشا بالل 4،99 جانە 4،95 سايكەسىنشە) كوشباسشى بولىپ تابىلادى. رەيتينگتە سونداي-اق سيفرلىق دامۋ، قورعانىس جانە اەروعارىش ونەركاسىبى مينيسترلىگى، ەنەرگەتيكا مينيسترلىگى، ۇلتتىق بانك، قورعانىس مينيسترلىگى، ۇلتتىق ەكونوميكا مينيسترلىگى جوعارى پوزيسيالاردا.
نەگىزىنەن ازاماتتاردىڭ نارازىلىعى كەرى بايلانىس ساپاسىنان، مەملكەتتىك قىزمەت مەرزىمى مەن شىعىنمەن كورىنىس تاپقان، سونداي-اق قىزمەتكورسەتۋشى قىزمەتكەرلەر قۇزىرەتى مەن جەدەلدىگىنىڭ جەتىسپەۋشىلىگى.
مونيتورينگ قورىتىندىسى بويىنشا مەملەكەتتىك قىزمەت كورسەتۋ ءتارتىبىن جاقسارتۋ، سونىڭ ىشىندە ولاردى جەڭىلدەتۋ، قۇجاتتار ءتىزىمى مەن مەرزىمىن قىسقارتۋ، سونداي-اق بيزنەس-پروسەستەردى اۆتوماتتاندىرۋ جانە وڭتايلاندىرۋ ءۇشىن ۇسىنىمدار پىسىقتالدى.
تۇرعىنداردىڭ مەملەكەتتىك قىزمەت كورسەتۋ ساپاسى بويىنشا قاناعاتتانۋى دەڭگەيى 74،8% (بەسبالدىق باعان بويىنشا ورتاشا باعا 4،73 بالدى قۇرادى) بولسا، بۇل وتكەن جىلعىدان 2،4% جوعارى (ۆ 2018 جىلى قاناعاتتانۋ دەڭگەيى 72،4% قۇرادى).
كورسەتۋ ساپاسىن جاقسارتۋ ءۇشىن مەملەكەتتىك قىزمەتتىڭ ايتارلىقتاي بولىگىنىڭ الەۋەتى بار ەكەندىگىن اتاپ كورسەتۋ كەرەك. تۇرعىندارعا قىزمەت كورسەتۋمەن بايلانىستى "ازاماتتارعا ارنالعان ۇكىمەت" مەملەكەتتىك كورپوراسياسى مەن مەملەكەتتىك ورگاندار جۇمىسىن وڭتايلاندىرۋ جونىندەگى جۇمىستاردى جالعاستىرۋ قاجەت. بۇل جەردە مەملەكەتتىك كورپوراسيا مەن مەملەكەتتىك ورگاندار اراسىنداعى ساپالى ءوزارابايلانىس تا ماڭىزدى.
ۋاكىلەتتى مەملەكەتتىك ورگاندارعا قاتىستى ايتار بولساق، وندا ەلەكتروندىق مەملەكەتتىك قىزمەت كورسەتۋ «ءبىر تەرەزە» قاعيداتىنا تولىق سايكەس كەلۋى جانە اكىمشىلىكتىك كەدەرگىلەرگە جول بەرمەۋى ءتيىس. مىسالى، ەلەكتروندىق ءوتىنىش بەرگەندە كەيبىر جاعدايلاردا قىزمەتالۋشىنىڭ كورسەتىلەتىن قىزمەت قورىتىندىسىن الۋ، قۇجاتتاردى جەتكىزىپ بەرۋ جانە وزگە دە قىزمەتتەر ءۇشىن مەملەكەتتىك ورگاندارعا جەكە بارۋىنا تۋرا كەلەدى. قىزمەت كورسەتۋشىلەر بۇل مالىمەتتەردى مەملەكەتتىك ورگانداردىڭ بازاسىنان وزدەرى سۇراتىپ الۋى قاجەت. بۇل ليسەنزيالاردى، رۇقساتتامالاردى، قورىتىندىلاردى، انىقتامالاردى جانە وزگە دە قۇجاتتاردى جيناۋ مەن بەرۋمەن بايلانىستى كوپتەگەن پروسەستەردى ايتارلىقتاي جەدەلدەتۋگە جانە جەڭىلدەتۋگە مۇمكىندىك بەرەدى.
ۇيدە بەرىلەتىن مەملەكەتتىك قىزمەتتەر ءتىزىمىن كەڭەيتۋ مۇمكىندىگىن قاراستىرۋ. سونداي-اق ۇيىندە وتىرىپ قىزمەت الۋعا قۇقىعى بار ازاماتتار كاتەگورياسى ءتىزىمىن كەڭەيتۋ، ويتكەنى جاسى بويىنشا زەينەتكە شىققاندار، كوپبالالى انالار، سونىمەن قاتار مۇگەدەكتەر ءۇشىن قىزمەت كورسەتۋ ورىندارىنا بارۋ ايتارلىقتاي پروبلەمالارمەن بايلانىستى.
قوعامدىق مونيتورينگ قورىتىندىسىمەن مەملەكەتتىك قىزمەت ىستەر جونىندەگى اگەنتتىكتىڭ www.qyzmet.gov.kz. سايتىنان تانىسۋعا بولادى.
