"الەمدىك بانك" ەسەبى بويىنشا، قازاقستان حالقىنىڭ 15%-ى كەدەي ساناتىندا. 30 جىلدىڭ ىشىندە "مەملەكەتى باي، حالقى كەدەي" قوعامعا اينالدىق. حالىق ساياساتتان شەكتەلدى. ەسكى جۇيەنىڭ "الەۋمەتتىك ادىلەتسىزدىك" فاكتىلەرى، حالىقتى ساياساتتان شەكتەتۋ تەندەنسياسى مەملەكەتتى، قوعامدى، جۇرتتى "قاسىرەتتى قاڭتارعا" يتەرمەلەدى، جاقىنداتتى”، - دەدى ەرلان سايروۆ.
دەپۋتات قاڭتار وقيعاسىنىڭ قايتالانباۋى ءۇشىن زاڭ مەن ءتارتىپ قاجەت ەكەنىن ايتتى.
"قاسىرەتتى قاڭتار" ءتارىزدى تراگەديا قايتالانباۋى ءتيىس! مۇنداي ۇلتتىق ەكسەسستەر اتا-بابامىز جۇزدەگەن جىل اڭساعان تاۋەلسىزدىككە وراسان زور زيان تيگىزەدى. نە ىستەۋ كەرەك؟ بىزگە زاڭ مەن ءتارتىپ قاجەت! ءبىزدىڭ قازاقستاننان باسقا وتانىمىز، قۇتتى مەكەنىمىز جوق!
باۋىرجان مومىش ۇلى "تارتىپكە باعىنعان حالىق قۇل بولمايدى" دەپ بەكەر ايتپاعان.
ءسوزىمنىڭ باسىندا قازاقستانداعى كەدەيلەر سانى جونىندە ايتتىم، "اش بالا توق بالامەن وينامايدى" ەلىمىزدەگى كەدەيشىلىكتى جويا وتىرىپ، اسىرە بايلاردىڭ دا تابەتىن ازايتۋ ەڭ باستى مىندەتتەردىڭ ءبىرى”، - دەدى ەرلان سايروۆ.
دەپۋتات پرەزيدەنتتىڭ سايلاۋالدى باعدارلاماسىندا حالىقتى كەدەيلىكتىڭ "شىنجىرىنان" تاباندى تۇردە شىعارۋ، حالىقتىڭ ءال-اۋقاتىن ناقتى ءوسىرۋدىڭ جولدارى ناقتىلانىپ، قاراستىرىلعانىن اتاپ ءوتتى.
“اۋىلدى جەرلەردە حالىققا ءۇي شارۋاشىلىقتارىن دامىتۋ ءۇشىن 1 ملن ادامدى قامتيتىن 1 ترلن تەڭگە بولىنەدى. الداعى جەتى جىلدا 111 ملن تەكشە مەتر ءۇي سالىنىپ، 3،3 ملن ادام جۇمىسپەن قامتىلۋى ءتيىس. بۇل ماسەلەنى ۇكىمەت ساپالى، جۇيەلى، ادامگەرشىلىك تۇرعىسىنان ورىنداۋى ءتيىس! وكىنىشكە وراي، بۇگىنگى ۇكىمەت سىلبىر، جۇمىستارى شالا!” - دەدى دەپۋتات ەرلان سايروۆ.
https://dalanews.kz/news/85261-uqshu-ny-basqaru-almatyga-basqarumen-zh
https://dalanews.kz/bas-takyryp/84646-qazaqstan-zhane-magatye-bizding-elding-aye
