قارجى نارىعىن رەتتەۋ جەنە دامىتۋ اگەنتتٸگٸ رەسمي تٷردە ۆياچەسلاۆ كيمگە "First Heartland Jusan Bank" اق-تىڭ ٸرٸ قاتىسۋشىسى مەرتەبەسٸن يەلەنۋگە كەلٸسٸم بەردٸ. ياعني, كيم Jusan Bank-تٸ ساتىپ الا الاتىن بولدى, دەپ حابارلايدى Dalanews.kz.
"ٶتٸنٸشتٸ قاراۋ "قازاقستان رەسپۋبليكاسىنداعى بانكتەر جەنە بانك قىزمەتٸ تۋرالى" زاڭنىڭ 17-1-بابىنىڭ تالاپتارىنا سەيكەس جٷزەگە اسىرىلدى. قولدانىستاعى زاڭناماعا سەيكەس جەكە نەمەسە زاڭدى تۇلعانىڭ ٸرٸ قاتىسۋشى نەمەسە بانك حولدينگٸ مەرتەبەسٸن الۋىنا ۋەكٸلەتتٸ ورگاننىڭ الدىن الا جازباشا كەلٸسٸمٸ بولعان كەزدە عانا جول بەرٸلەدٸ", دەلٸنگەن قنردا حابارلاماسىندا.
ايتا كەتسەك,ۆياچەسلاۆ كيم 2025 جىلدىڭ اقپان ايىنىڭ باسىندا عالىمجان ەسەنوۆتان Jusan Bank اكتسييالارىنىڭ 97,5% -ىن ساتىپ الۋ ٷشٸن اگەنتتٸككە ٶتٸنٸم بەرگەن بولاتىن. "بۇل مەمٸلەنٸڭ Kaspi.kz كومپانيياسىنا قاتىسى جوق", - دەدٸ سول كەزدە كەسٸپكەر. الايدا, بۇل پروتسەسس ۇزاققا سوزىلدى. سوڭعى جارييالانعان مەلٸمەتتەرگە سەيكەس, عالىمجان ەسەنوۆ (2025 جىلى بيزنەس 560 ملن بايلىعىمەن ەڭ باي بيزنەسمەندەر رەيتينگٸندە 19-ورىن) تٸكەلەي Jusan Bank اكتسييالارىنىڭ 19,67%-ىنا جەنە "First Heartland Securities" اق ارقىلى 78,11%-ىنا يەلٸك ەتەدٸ.
بٸر قىزىعى, 28 مامىردا Jusan Bank اكتسيونەرٸنٸڭ اۋىسۋىن كٷتپەستەن ٶز اتاۋلارىن Alatau City Bank دەپ ٶزگەرتەتٸندەرٸن جارييالادى جەنە جاڭا لوگوتيپتٸ دە تانىستىردى.
"رەبرەندينگ بانكتٸڭ ستراتەگيياسىنىڭ, امبيتسيياسى مەن قارجى ينستيتۋتىن ودان ەرٸ دامىتۋعا باسىمدىق بەرەتٸنٸنٸڭ كٶرٸنٸسٸ بولىپ تابىلادى", - دەلٸنگەن بانك باسپاسٶز قىزمەتٸ حابارلاماسىندا.
بانكتٸڭ جاڭا اتاۋى الماتى ماڭىنان قۇرىلىپ جاتقان جاڭا ەكونوميكالىق ايماقپەن بايلانىستىرىلادى. سوعان قاراعاندا ۆياچەسلاۆ كيم وسى باعىتقا دا قوماقتى ينۆەستيتسييا جۇمساماق.
"First Heartland Jusan Bank" اق قازاقستان رەسپۋبليكاسىنىڭ ەكٸنشٸ دەڭگەيدەگٸ ٸرٸ بانكتەرٸنٸڭ قاتارىنا كٸرەدٸ. 2025 جىلعى 1 مامىرداعى جاعداي بويىنشا بانكتٸڭ اكتيۆتەرٸ 3 195 ملرد تەڭگەنٸ, مەنشٸكتٸ كاپيتالى 900 ملرد تەڭگەنٸ قۇرايدى. بانك كاپيتالى مەن ٶتٸمدٸلٸكتٸڭ جەتكٸلٸكتٸلٸگٸ نورماتيۆتەرٸن قوسا العاندا, بەلگٸلەنگەن پرۋدەنتسييالىق نورماتيۆتەردٸ ساقتايدى. اكتيۆتەر كٶلەمٸ بويىنشا بانك 6-شى ورىندا, نەسيە پورتفەلٸنٸڭ مٶلشەرٸ بويىنشا — ەلدٸڭ بانك جٷيەسٸندە 8-شٸ ورىندا.
سونىمەن بٸرگە ۆ.ك. كيم "Kaspi Bank" اق-تىڭ جاناما ٸرٸ قاتىسۋشىسى بولىپ تابىلادى, اتالعان بانك قازاقستان رەسپۋبليكاسىنىڭ بانك سەكتورىندا جەتەكشٸ ورىن الادى, ونىڭ ٸشٸندە اكتيۆتەر مەن نەسيە پورتفەلٸنٸڭ مٶلشەرٸ بويىنشا 2-شٸ ورىندا.
