چۋكوتكاداعى (رەسەي) ٸرٸ التىن جەنە مىس كەن ورنىن يگەرۋدٸ جوسپارلاپ وتىرعان «بايمسكايا» تاۋ-كەن كومپانيياسىنا اقش سانكتسييا سالدى. بۇل SDN List-كە ەنگەندەردٸڭ امەريكاداعى شوتتاردى بۇعاتتالىپ, ولارعا امەريكالىق رەزيدەنتتەرمەن سەرٸكتەستٸك جاساۋعا تىيىم سالىنادى دەپ حابارلايدى Dalanews.kz Dala Finance تەلەگرام–ارناسىنا سٸلتەپ.
قازٸر «بايمسكايا» كومپانيياسى «استانا» حالىقارالىق قارجى ورتالىعىندا 2022 جىلدىڭ ماۋسىمىندا تٸركەلگەن Trianon Limited جەكە كومپانيياسىنا تيەسٸلٸ. يەلەرٸ — ۆلاديمير كيم (ەلەمدٸك Forbes رەيتيڭٸندە 890-ورىندا, جەرگٸلٸكتٸ تٸزٸمدە 1-ورىندا تۇرعان بيزنەسمەن) مەن ولەگ نوۆاچۋك (جەرگٸلٸكتٸ رەيتيڭدە 13-ورىندا).
بەس جىل بۇرىن كومپانييانى قازاقستاندىق KAZ Minerals رومان ابراموۆيچ پەن الەكساندر ابراموۆتىڭ Aristus Holdings كومپانيياسىنان ساتىپ العان ەدٸ. قولما-قول اقشا مەن اكتسييالار تٷرٸندە جاسالعان مەمٸلە سوماسى — 900 ملن دوللار. جوسپار بويىنشا جوبانى دامىتۋعا 8 ملرد دوللار قۇيىلۋى كەرەك بولعان.
وسى جوبانى ٸسكە اسىرۋ ٷشٸن KAZ Minerals VTB-دان 3,6 ملرد دوللار كرەديت العان. بٸراق بانككە سانكتسييا سالىنعان سوڭ, قارىزىن قايتارۋدا مەسەلە تۋىنداعان ەدٸ. بىلتىر شٸلدەدە «بايمسكايا» كومپانيياسى Trianon Limited يەلٸگٸنە ٶتكەن. بۇل كومپانييانىڭ نەگٸزگٸ اكتسيونەرلەرٸ — جوعارىدا اتى اتالعان قوس كەسٸپكەر. ەكەۋارا مەمٸلە جاسالعاننان كەيٸن KAZ Minerals رەسەيدەگٸ جۇمىسىن توقتاتادى دەلٸنگەن.
