زاۋرە تىنىسبايكىزىنىڭ اكەسى تىنىسباي امانبايەۆ ارال وڭىرىنە جولدامامەن بارىپ، سونداعى اباي اۋىلدىق مەكتەبىندە قاتارداعى مۇعالىمدىكتەن مەكتەپ باسشىلىعىنا دەيىن كوتەرىلىپ، سول مەكتەپتەن زەينەتكە شىققان قۇرمەتتى ازامات. ازاماتتىعى سول، ماماندىعىنا دەگەن ادالدىقپەن اتقارعان ءىسىن اياعىنا دەيىن جەتكىزىپ، ەل العىسىنا بولەنىپ زەينەت جاسىندا عانا ەلىنە قايتقان. اناسى اعيلا دا ينستيتۋتتان كەيىن جاس وتاۋدىڭ شاڭىراعىن شاشاۋ شىعارماي ازاماتىنىڭ سوڭىنان ەرە بىلگەن اياۋلى جان. مەكتەپ كىتاپحاناسىنىڭ قورىن مولايتىپ، وقۋشىلار اراسىندا ءارتۇرلى ءىس-شارالاردىڭ ۇيتقىسى بوپ جۇرگەن اقتوبەنىڭ ءاپپاق قىزى ەل-جۇرتىنا دا ەرەكشە ۇناپتى. اۋىل ادامدارى، كوپشىلىگى، كوپشىلىگى ەمەس-اۋ، قازىرگى اۋىل تۇرعىندارىنىڭ بارلىعى دەرلىك وسى ازاماتتاردىڭ الدىنان ءدارىس العان. اڭگىمەلەرىندە وسى اۋىلدان تاراعان ءاربىر ازامات «تىنىسباي اعاي» مەن «اعيلا اپايلارىن» ەرەكشە ىقىلاسپەن ەسكە الىپ وتىرادى.
– مەنىڭ اتا-انام وقىتقان سول مەكتەپتىڭ وقۋشىلارى وقۋلارىن ءبىتىرىپ كەلىپ، بىزدەرگە ساباق بەردى، – دەيدى زاۋرە تىنىسبايكىزى. – سوندا مەنىڭ اتا-انام ۇستازدارىمنىڭ ۇستازى دەپ ماقتاناتىنمىن. بىزدەگى ۇرپاق ساباقتاستىعى وسىلايشا ادەمى ءوربىپ جاتاتىن. ۇستازدارعا قاراپ ويىمىزدى تۇزەپ قانا قويماي، بارلىق ىس-ارەكەتتەرىن ۇلگى تۇتاتىنبىز. بوي تۇزەپ، ارمان قۋاتىنبىز.
ارمان قۋىپ الماتىعا كەلگەن ارۋ قىز قازاق مەملەكەتتىك ۋنيۆەرسيتەتىنە ءتۇسىپ، بولاشاق جارىن ۋنيۆەرسيتەتتىڭ حيميا فاكۋلتەتىنەن جولىقتىرادى. بارعان جەرىندە ماتەماتيكا مامانى جۇماگۇل اپاسى دا ناعىز ۇستاز بوپ شىڭدالۋىنا جاردەم ەتەدى. بۇگىندە ءوزى دە پەداگوگيكالىق ىس-تاجىريبەسىندە ماماندىعىن جەتىك بىلەتىن، تاجىريبەلى ۇستاز. 2011-جىلدان №43 جبب مەكتەپتە ديرەكتوردىڭ وقۋ ءىسى جونىندەگى ورىنباسارى قىزمەتىن اتقارىپ كەلەدى. «قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى» بەلگىسىنىڭ يەگەرى، 2013ج. جىل سايىن وقۋشىلاردى شىعارماشىلىق جۇمىسقا باۋلىپ، عىلىمي جوبالار بايقاۋىنا اپارىپ، ءپان وليمپيادالارىنا قاتىستىرىپ جۇلدەلى ورىندار يەلەنۋدە.
تاجىريبەلى ۇستازدىڭ «ورلەۋ» باۇو» اق فيليالى الماتى ق. بويىنشا پق باي ءوز ءبىلىمىن ۇزدىكسىز كوتەرىپ، جان-جاقتى ىزدەنىپ، جاڭاشا وقىتۋعا بەت بۇرۋىنىڭ ناتيجەسىندە ساباق بەرەتىن سىنىپتارىندا دا ءاربىر وقۋ جىلىندا ءبىلىم ساپاسى دا جاقسارا تۇسۋدە. 2014 جىلى پشو-نىڭ الماتى قالاسى فيليالىنىڭ دەڭگەيلى باعدارلاماسى اياسىندا ءبىرىنشى (ىلگەرى) دەڭگەي باعدارلاماسى بويىنشا كۋرستى جانە 2016 جىلى «تاجىريبەدەگى رەفلەكسيا» جالپى ءبىلىم بەرەتىن مەكتەپتەردەگى پەداگوگيكا كادرلارىنىڭ كاسىبي دامۋ باعدارلاماسى بويىنشا مەكتەپ ترەنەرلەرىن وقىتۋ كۋرسىن ءبىتىرىپ، ارىپتەستەرىمەن ءوز تاجىريبەسىن بولىسۋدە.
زاۋرە تىنىسباي قىزىنىڭ ەڭبەكتەگى جەتىستىكتەرى ءاردايىم ەسكەرىلىپ، الماتى قالاسى ءبىلىم باسقارماسى، جەتىسۋ اۋداندىق ءبىلىم ءبولىمى، كاسىپوداق كوميتەتى، جەتىسۋ اۋدانى اكىمى تاراپىنان العىس حاتتارمەن، گراموتالارمەن ماراپاتتالىپ كەلەدى.
ءسوز سوڭىندا ايتارىمىز، «ۇيادا نە كورسەڭ، ۇشقاندا سونى ىلەرسىڭ» دەگەندەي ز. امانبايەۆا وتباسىنان العان ونەگەسىن وزگەلەرمەن ءبولىسىپ، ورەلى ءىستى ءوربىتىپ كەلەدى. ۇرپاق تاربيەلەۋ جولىنداعى تولىمدى ەڭبەكتەرىڭىز جەمىستى بولسىن، اۋلەت جۇگىن ارقالاعان اياۋلى جان! كاسىبي مەرەكە قارساڭىندا ءسىزدىڭ وتباسىڭىزعا اماندىق، دەنىڭىزگە ساۋلىق تىلەيمىز!
ش. بيتەن
