ءازىربايجاننىڭ توتەنشە جاعدايلار ءمينيسترى كامالاددين گەيداروۆ اقتاۋ ماڭىندا AZAL اۋە كومپانياسىنىڭ ۇشاعى اپاتقا ۇشىراعان جەردە جۇمىس ىستەگەن قازاقستاندىق قۇتقارۋشىلاردى ماراپاتتادى، دەپ حابارلايدى Dalanews.kz.
“ىنتىماقتاستىق ءۇشىن” توسبەلگىسىمەن ماراپاتتالعاندار:
ازامات سەيتالين،
تيمۋر امينوۆ،
قاني ايداروۆ،
ساياسات قارايەۆ،
ءماجيت كەنجەعالييەۆ،
ازىمبەك كۇلحانوۆ،
ەربول قۇزمابايەۆ،
ناۋرىزبەك مەندىبايەۆ،
ارداق نۇعۇمانوۆ،
ايمان تىلەۋبەرگەنوۆا.
ايتا كەتەيىك، 2024 جىلى 25 جەلتوقساندا جەرگىلىكتى ۋاقىت بويىنشا 11.30-دا اقتاۋ ماڭىندا باكۋدەن گروزنىيعا ۇشىپ بارا جاتقان ۇشاق اپاتقا ۇشىرادى. بۇل - Azerbaijan Airlines اۋەكومپانياسىنا تيەسىلى ەمبراەر 190 ۇشاعى.
اقپارات بويىنشا ۇشاق بورتىندا 67 ادام، ونىڭ ىشىندە 5 ەكيپاج مۇشەسى بولعان.
اپاتتان 6 قازاقستاندىق كوز جۇمدى. جالپى قازا تاپقاندار سانى — 38. قايعىلى وقيعادان 29 ادام امان قالدى.
قايعىلى وقيعادان كەيىن ازەربايجاندا جالپىۇلتتىق ازا تۇتۋ كۇنى جاريالاندى. تۇستە بۇكىل ەل بويىنشا مەملەكەتتىك تۋلار ءتۇسىرىلىپ، كولىكتەر توقتادى. ازەربايجاندىقتار قازا تاپقانداردى ءبىر مينۋت ۇنسىزدىكپەن ەسكە الدى.
كەيىنىرەك چيكاگو كونۆەنسياسىنىڭ 13-قوسىمشاسىنا سايكەس قازاقستان ازەربايجان مەن رەسەيدىڭ اۆياسيالىق ورگاندارىمەن اقىلداسقان سوڭ، ق ر كولىك ءمينيسترى مارات قارابايەۆ باسقاراتىن كوميسسيا Embraer ۇشاعىنىڭ قارا جاشىگىن برازيلياداعى CENIPA ورتالىعىنا جىبەرۋ تۋرالى شەشىم قابىلدادى.
