Ázirbaijannyń Tótenshe jaǵdailar ministri Kamaladdin Geidarov Aqtaý mańynda AZAL áýe kompaniiasynyń ushaǵy apatqa ushyraǵan jerde jumys istegen qazaqstandyq qutqarýshylardy marapattady, dep habarlaidy Dalanews.kz.
“Yntymaqtastyq úshin” tósbelgisimen marapattalǵandar:
Azamat Seitalin,
Timýr Aminov,
Qani Aidarov,
Saiasat Qaraev,
Májit Kenjeǵaliev,
Ázimbek Kúlhanov,
Erbol Quzmabaev,
Naýryzbek Mendibaev,
Ardaq Nuǵumanov,
Aiman Tileýbergenova.
Aita keteiik, 2024 jyly 25 jeltoqsanda jergilikti ýaqyt boiynsha 11.30-da Aqtaý mańynda Bakýden Groznyiǵa ushyp bara jatqan ushaq apatqa ushyrady. Bul - Azerbaijan Airlines áýekompaniiasyna tiesili Embraer 190 ushaǵy.
Aqparat boiynsha ushaq bortynda 67 adam, onyń ishinde 5 ekipaj múshesi bolǵan.
Apattan 6 qazaqstandyq kóz jumdy. Jalpy qaza tapqandar sany — 38. Qaiǵyly oqiǵadan 29 adam aman qaldy.
Qaiǵyly oqiǵadan keiin Ázerbaijanda Jalpyulttyq aza tutý kúni jariialandy. Túste búkil el boiynsha memlekettik týlar túsirilip, kólikter toqtady. Ázerbaijandyqtar qaza tapqandardy bir minýt únsizdikpen eske aldy.
Keiinirek Chikago konventsiiasynyń 13-qosymshasyna sáikes Qazaqstan Ázerbaijan men Reseidiń aviatsiialyq organdarymen aqyldasqan soń, QR Kólik ministri Marat Qarabaev basqaratyn komissiia Embraer ushaǵynyń qara jáshigin Braziliiadaǵy CENIPA ortalyǵyna jiberý týraly sheshim qabyldady.
