Jeńil atletika federatsiiasy Iasmina Toqsanbaevaǵa qatysty málimdeme jasady, dep habarlaidy dalanews.kz.
Japoniiada ótip jatqan XX jazǵy Aziia oiyndarynda Iasmina Toqsanbaeva sporttyq júristen 42,195 shaqyrymdy 3:22:20 ýaqytta baǵyndyrdy. Nátijesinde Aziia oiyndarynda Qazaqstan qorjynyna altyn júlde ákeldi.
Alaida jarystan keiin sportshynyń jarys jolynda kigen aiaq kiimine qatysty narazylyq berilgen. Qazir qabyldanǵan sheshimge qatysty federatsiia atynan tiisti shaǵym jiberilgen.
"World Athletics uiymynyń ruqsat etilgen aiaq kiimder tiziminde ASICS brendi kórsetilgen. Alaida Iasmina jarysta kigen aiaq kiimniń naqty modeli bul tizimde bolmaǵan. Sonymen qatar, jarys bastalǵanǵa deiin sportshynyń aiaq kiimi tekserilip, jarysqa qatysýyna ruqsat berilgen. Osyǵan bailanysty federatsiia Iasminanyń quqyǵy men múddesin qorǵaý jumysyn ári qarai jalǵastyrady. ...Biz úshin Iasmina - chempion. Bizdiń jibergen shaǵymymyz ben narazylyǵymyzdyń nátijesine qaramastan chempionǵa tiesili barlyq syiaqy federatsiianyń óz qarajaty esebinen tolyq kólemde tólenedi", - dep jazylǵan habarlamada.
Eske salaiyq, buǵan deiin qazaqstandyq sportshy Aziadada krossovkanyń kesirinen altynnan aiyrylǵany habarlandy.
