– بۇگىندە وسكەمەن قالاسىنىڭ اۋەجايىنا كۇردەلى جوندەۋ جۇمىستارى ءجۇرىپ جاتقانى بەلگىلى. و باستا وسكەمندەگى اۋەجايدىڭ بەلگى بەرەتىن شامدارىن ءۇرجارداعى اۋەجايعا ورناتۋ جوسپارلانعان ەدى. كەيىننەن مۇنىڭ تەحنيكالىق تۇرعىدان دۇرىس ەمەس ەكەنىن انىقتالعاننان كەيىن، جاڭا جوسپار دايىندالدى. قازىرگى تاڭدا جوبا اياقتالۋعا جاقىن. 2022 جىلدىڭ العاشقى توقسانىندا بارلىق جۇمىستار اياقتالاىپ، جازدان باستاپ ءۇرجار اۋەجايى ۇشاقتاردى قابىلداي باستايتىن بولادى، – دەدى وبلىس اكىمنىڭ ورىنباسارى.
بۇعان دەيىن شقو اكىمدىگى ءۇرجار اۋەجايىن 2022 جىلدىڭ ءساۋىر ايىندا اياقتاۋدى جوسپارلاعان-دى. ءبىراق العاشقى جوباعا ءبىرقاتار وزگەرىستەر ەنگىزىلگەننەن كەيىن اۋەجاي قۇرىلىسى جازعا سىرعىعانىن ايتا كەتۋىمىز كەرەك.
بۇگىندە ءۇرجار اۋەجايىنىڭ ۇشىپ، قونى جولاعى زامان تالابىنا ساي ۇزارتىلىپ جاتقان بەلگىلى. بۇعان جۇمىسپەن قامتۋدىڭ جول كارتاسى اياسىندا 4،7 ملرد تەڭگە بولىنگەن بولاتىن.
جاڭعىرتۋ جۇمىستارى اياقتالعاننان كەيىن ءۇرجار اۋەجايى رەاكتيۆتى جانە تۋربوقالاقشالى ۆس Embraer 190، Bombardier Q-400، CRJ-200 اۋە كەمەلەرىن كۇندىز، ءتۇنى قابىلدايتىن مۇمكىندىككە يە بولادى.
