ەيەلدٸڭ ايتۋىنشا, وتاسقان تٶرت جىلدا كٶرگەن قورلىعىم قالماپتى. ەنەسٸ وسىنداي وتباسىنداعى زورلىق-زومبىلىقپەن كٷرەسٸپ, ەيەل مەن بالا قۇقىعىن قورعاپ جٷرگەن بەلسەندٸ ەكەن مەلٸم بولدى.
ارۋجان جولداسى ەلنۇر بايمەتوۆپەن 2018 جىلى وتاۋ قۇرعان. ورتالارىندا قوس قۇلىنشاق بار.
– بٸزدٸكٸ وتباسى دەگەن اتى عانا. بٸرگە بولعان جىلدارىمنىڭ بارلىعىندا ۇرىپ-سوعۋدان كٶز اشپادىم, – دەيدٸ ارۋجان. كەلٸنشەكتٸڭ ايتۋىنشا, كٶرمەگەنٸ جوق. ۇرعان, سوققان, بۋىندىرعان. 20 گرادۋس سۋىقتا بالكونعا قاماپ قويعان. كٶپ جاعدايعا جانجالعا وتاعاسىنىڭ شەكتەن تىس قىزعانىش سەبەپ بولادى ەكەن.
سوڭعى كەزدەرٸ ارۋجاننىڭ جولداسىن ونى ٶز تۋىسقاندارىنان دا قىزعاناتىن دەڭگەيگە جەتٸپتٸ. جەلٸدە تاراعان ۆيدەوعا دا سونداي جاعداي سەبەپ بولىپتى. جەبٸرلەنۋشٸ ارۋجان بايمەتوۆا
– بٸز ەكەۋمٸز مەنٸڭ تۋىستارىمنىڭ شاقىرتۋىمەن كاراوكەگە باردىق. بٸر سەتتە مەن قولىما ميكروفان الىپ ەن شىرقاي باستادىم. ەكٸنشٸ ميكروفوندى كٷيەۋ بالام, ياعني, سٸڭلٸمنٸڭ جولداسى الىپ قوسىلدى. كٷيەۋٸم دەرەۋ ۇيالى تەلەفونىما قورقىتىپ حابارلاما جٸبەردٸ. كەش تارقاپ ٷيگە كەلگەندە جەدەل ساتى ەسٸگٸ جابىلماي جاتىپ مەنٸ ۇرا باستادى. مەن جەرگە قۇلاپ قالدىم. بٸراق جولداسىنىڭ سول كٷنگٸ تٶمپەشٸ مۇنىمەن بٸتپەپتٸ, – دەيدٸ جەبٸرلەنۋشٸ ارۋجان بايمەتوۆا.
ارۋجاننىڭ كٷيەۋٸ ٶزدەرٸن ٷيگە جەتكٸزٸپ تاستاعان ٸنٸسٸمەن بٸرگە بولعانىن ايتىپ, ەيەلٸن تاعى سوققىنىڭ استىنا العان. بٸراق پوليتسييا بۇل دەرەكتٸ ەسكەرمەگەن. جالپى سول كٷنگٸ سوققىدان كەلٸنشەكتٸڭ تٶرت بٸردەي سٷيەگٸ سىنىپ, ميى شايقالعان. ال ەنەسٸ بولسا, بۇل بەرٸمٸزدٸڭ باسىمىزدان ٶتكەن جاعداي دەپ جۇباتادى ەكەن.
– ونىڭ اتا-اناسى جانجال ٷستٸنەن تٷسكەندە ونى سابىرعا شاقىرۋعا تىرىساتىن. اناسى مەنٸمەن ٶتە كٶپ سٶيلەسەتٸن. بارلىعى جاقسى بولادى دەپ سەندٸردٸ. «بارلىق ەرلەر وسىلاي ۇرادى, مەنٸ دە ۇردى, مەنٸڭ ەجەمدٸ دە ۇردى» دەيتٸن. مەن وسى سٶزدەردٸڭ ماعان ەسەر ەتە باستاعانىن دا بايقاماي قالىپپىن, – دەيدٸ ارۋجان.
سول سابىرعا شاقىرعان ەنەسٸ شىمكەنت قالاسىنداعى بەلسەندٸلەردٸڭ بٸرٸ ەكەن. دەلٸرەك ايتقاندا, بالالار مەن ەيەلدەر قۇقىعىن قورعاۋ جٶنٸندەگٸ كەڭەستٸڭ تٶرايىمى. ۇلى جەلٸنٸ شۋلاتقاننان كەيٸن گٷلايىم شۇڭعاراەۆا ەلەۋمەتتٸك جەلٸدەگٸ پاراقشالارىن تٷگەل ٶشٸرٸپ تاستاۋعا مەجبٷر بولعان.
ٶزٸمەن تەلەفون ارقىلى تٸلدەسكەندەرگە بالاسىن قولدامايتىنىن ايتقان.
– بۇل جاعدايدى قولدامايمىن. بٸراق بۇل استانادا بولعان وقيعا. تٶرت جارىم جىل بويى بالام مەن كەلٸنٸم مەنٸڭ قولىمدا تۇردى. ول كەزدە قول جۇمساۋ دەگەن بولعان ەمەس, – دەيدٸ كٷدٸكتٸنٸڭ اناسى گٷلايىم شۇڭعاراەۆا.
ەيەل قۇقىعىن قورعاپ جٷرگەن بەلسەندٸلەر مۇنداي جاعدايدىڭ كٶپتٸگٸن, بٸراق باسىم بٶلٸگٸ جابۋلى قازان كٷيٸندە قالاتىنىن ايتادى. جىل باستالعالى تٶرت ايدا تاعى 300-دەن استام دەرەك انىقتالعان. سوندىقتان دەنساۋلىق ساقتاۋ مينيسترلٸگٸ وسى جىلدىڭ ماۋسىمىنان باستاپ جاڭا جٷيەنٸ ويلاستىرىپ قويىپتى. ەندٸ جەبٸر كٶرگەن ەر ازاماتتىڭ دەرەگٸ ارنايى كٸتاپشاعا تٸركەلەدٸ.
– بٸرٸنشٸ ماۋسىمنان باستاپ ەل بويىنشا جاڭا جوبانى باستايمىز. ەندٸ دەنساۋلىق ساقتاۋ ۇيىمدارىنا شاعىمدانعان ەر ازاماتتى ارنايى جۋرنالعا تٸركەيمٸز. زورلىق-زومبىلىق, ۇرىپ-سوعۋ, جەبٸرلەۋ فاكتٸلەرٸ بارلىعى جازىلادى. وسىلايشا تەك قانا تۇرمىستىق ەمەس, بارلىق زورلىق-زومبىلىقتى انىقتايمىز, – دەيدٸ قر دەنساۋلىق ساقتاۋ مينيسترٸ اجار عينييات.
ال ليفت ٸشٸندە ەيەلٸن سوققىعا جىققان ەر ادامعا قاتىستى قىلمىستىق كودەكستٸڭ 107 بابى بويىنشا دەنساۋلىعىنا قاساقانا زييان كەلتٸرۋ بابىمەن قىلمىستىق ٸس قوزعالعان. جٸگٸتتٸڭ ٶزٸ بوستاندىقتا. ونى ەشقايدا كەتپەۋ تۋرالى قولحاتپەن جٸبەرگەن. «قالعان اقپارات تەرگەۋ مٷددەسٸنە بايلانىستى جارييا ەتٸلمەيدٸ» دەپ قىسقا قايىردى تەرتٸپ ساقشىلارى. ال جولداسىنان زەبٸر كٶرگەن ارۋجان بايمەتوۆا جاقىن كٷندەرٸ زاڭدى تٷردە اجىراسپاقشى.
