وبلىستىق شتاب ءتوراعاسى ۇلاسبەك سادىبەكوۆ «Nur Otan» پارتياسىنىڭ اتىنان ۇسىنىلعان كانديدات قاسىم-جومارت توقايەۆتىڭ سايلاۋالدى باعدارلاماسىن كەڭىنەن ءتۇسىندىردى.
– كانديداتىمىز ءبىلىم مەن مەديسينا سالاسىنا دا ايرىقشا ءمان بەرىپ وتىر. مەديسينا سالاسىندا اۋقىمدى جۇمىستار قولعا الىنادى. ەلىمىزدەگى اۋرۋحانالار مەن ەمحانالار تولىق جابدىقتالادى، – دەدى ۇلاسبەك سادىبەك ۇلى.
كەزدەسۋدە جەتىساي ورتالىق اۋرۋحانانىڭ دارىگەرى پەريزات احمەتوۆا باعدارلامادا ەلدى دامۋدىڭ داڭعىل جولىنا باستايتىن ۇلكەن قادامدار جاسالعاندىعىن ايتتى.
– «بىرگە» اتتى اكسياعا قاتىسىپ، ءوز ۇسىنىسىمدى جەتكىزدىم. قوعامدىق قابىلداۋعا دا قاتىسۋعا ۇلكەن مۇمكىندىكتەر جاسالىپتى. سايلاۋالدى تۇعىرنامادا كوپتەگەن ماسەلەلەر قامتىلعان – دەدى ول.
