Oblystyq shtab tóraǵasy Ulasbek Sádibekov «Nur Otan» partıasynyń atynan usynylǵan kandıdat Qasym-Jomart Toqaevtyń saılaýaldy baǵdarlamasyn keńinen túsindirdi.
– Kandıdatymyz bilim men medısına salasyna da aıryqsha mán berip otyr. Medısına salasynda aýqymdy jumystar qolǵa alynady. Elimizdegi aýrýhanalar men emhanalar tolyq jabdyqtalady, – dedi Ulasbek Sádibekuly.
Kezdesýde Jetisaı ortalyq aýrýhananyń dárigeri Perızat Ahmetova baǵdarlamada eldi damýdyń dańǵyl jolyna bastaıtyn úlken qadamdar jasalǵandyǵyn aıtty.
– «Birge» atty aksıaǵa qatysyp, óz usynysymdy jetkizdim. Qoǵamdyq qabyldaýǵa da qatysýǵa úlken múmkindikter jasalypty. Saılaýaldy tuǵyrnamada kóptegen máseleler qamtylǵan – dedi ol.
