ى. التىنسارين اتىنداعى ۇلتتىق ءبىلىم اكادەمياسى، استانا قالاسىنىڭ ءبىلىم باسقارماسى، استانا قالاسى اكىمدىگىنىڭ «ادىستەمەلىك ورتالىعى» بىرلەسىپ، №103 ورتا مەكتەپتە «ءبىرتۇتاس تاربيە: ۇلتتىق قۇندىلىقتار مەن زاماناۋي قوعام ۇندەستىگى» تاقىرىبىندا رەسپۋبليكالىق سەميناردىڭ قورىتىندى پلەنارلىق وتىرىسىن وتكىزدى.
مەكتەپتە ۇيىمداستىرىلعان «SMART BALA» كورمەسىندە ەلوردالىق وقۋشىلاردىڭ جاڭا زامان تەحنولوگيالارىن پايدالانا وتىرىپ، تابيعاتتى قورعاۋ، تۇرمىستى جەڭىلدەتۋ، زەردەنى دامىتۋ سياقتى كوپتەگەن وزىق ونەرتابىستارى كوپشىلىككە تانىستىرىلدى.
اتالعان شارا ءبىر كۇن بۇرىن ق. مۇحامەدحانوۆ اتىنداعى №90 گيمنزياسىندا رەسپۋبليكالىق سەمينار رەتىندە باستالعان بولاتىن.
سەميناردىڭ ماقساتى – ۇلتتىق جانە جالپىادامزاتتىق قۇندىلىقتارعا نەگىزدەلگەن «ءبىرتۇتاس تاربيە» باعدارلاماسىن ەنگىزۋ ارقىلى تۇلعانىڭ جان-جاقتى دامۋىنا جاعداي جاساۋ، قۇندىلىقتاردى وقىتۋ جانە تاربيە پروسەسىنە كىرىكتىرۋ بويىنشا ۇزدىك تاجىريبەلەردى تاراتۋ.
سەمينار جۇمىسى اياسىندا پەداگوگيكالىق حاكاتون، «ۇلتتىق قاسيەتتەر مەن قوعامدىق وركەنيەت ۇيلەسىمى»، «قۇندىلىقپەن بىرگە: قيىندىق، كوزقاراس، وزگەرىس»، «وقۋشىلاردىڭ جان-جاقتى دامۋى: تاربيە مەن ءبىلىمنىڭ ۇيلەسىمدىلىگى»، «قۇندىلىقتاردى وقىتۋ پروسەسىنە كىرىكتىرۋ: تاجىريبە جانە تاسىلدەر»، «اتا-انا جانە بالا: ۇيلەسىمدى قارىم-قاتىناسقا قول جەتكىزۋ جولدارى»، «تاربيە مەن وقىتۋدا قۇندىلىقتار جۇيەسىن قالىپتاستىرۋدىڭ ۇزدىك تاجىريبەلەرى» تاقىرىپتارىندا تاجىريبەلىك الاڭدار جۇمىسى ۇيىمداستىرىلعان. سونداي-اق ايماقتاردان كەلگەن ۇستازدار، №8،87،37،90،91، 76 ءبىلىم بەرۋ ۇيىمدارىنىڭ تاجىريبەلەرىن كورىپ، ءوزارا پىكىر الماسقان.
كەلەلى كەڭەسكە ق ر وقۋ-اعارتۋ مينيسترلىگىنىڭ، ى. التىنسارين اتىنداعى ۇلتتىق ءبىلىم اكادەمياسىنىڭ وكىلدەرى، وبلىستاردىڭ، استانا، الماتى جانە شىمكەنت قالالارىنىڭ ادىستەمەلىك ورتالىقتارى باسشىلارىنىڭ ورىنباسارلارى، ادىسكەرلەرى، مەملەكەتتىك جانە جەكە مەنشىك ءبىلىم بەرۋ ۇيىمدارىنىڭ باسشىلارى، باسشى ورىنباسارلارى جانە ەلوردالىق پەداگوگتەر قاتىستى.
«TARBIE TALKS» پلەنارلىق سەسسياسىن استانا قالاسى ءبىلىم باسقارماسىنىڭ باسشىسى قاسىمحان سەنعازىيەۆ كىرىسپە ءسوز سويلەپ اشىپ، ەلوردالىق ءبىلىم بەرۋ ۇيىمدارىندا جۇزەگە اسىپ – جاتقان «ءبىرتۇتاس تاربيە» جۇمىستارىنا نازار اۋدارىپ، الداعى ۋاقىتتا اتقارىلاتىن شارالاردى ورتاق تاجىريبە الماسۋ ارقىلى ايقىنداۋدىڭ ماڭىزدىلىعىنا توقتالدى.
استانا قالاسىنىڭ بالا قۇقىقتارى جونىندەگى ۋاكىلى بيمەندينا اسيما تەمكەن قىزى بالا تاربيەسىنە ەكپىن بەرسە، ى. التىنسارين اتىنداعى ۇلتتىق ءبىلىم اكادەمياسىنىڭ ۆيسە-پرەزيدەنتى تاڭىربەرگەنوۆا انار شىنبولات قىزى ءبىرتۇتاس تاربيە» باعدارلاماسىنداعى قۇندىلىقتاردى ساباق مازمۇنىنا ەنگىزۋ تاسىلدەرىنە ناقتى مىسالدار كەلتىردى. 14 اقپان كىتاپ سىيلاۋ كۇنى مەرەكەسىنە وراي «ءبىرتۇتاس تاربيە» باعدارلاماسىن جۇزەگە اسىرۋدا جەتىستىكتەرگە جەتىپ جۇرگەن وڭىردەن كەلگەن ۇستازدارعا كىتاپ تارتۋ ەتتى.
«ءبىلىم-يننوۆاسيا» حالىقارالىق قوعامدىق قورى، تاربيە ءبولىمىنىڭ باس مامانى ەلۋبايەۆا التىنكۇل «قۇندىلىققا نەگىزدەلگەن ءبىلىم بەرۋ»، №93 مەكتەپ-ليسەيى سىنىپ جەتەكشىسى ىرىسكەلدى باقىتجان «قۇندىلىقتارعا باي، زاماناۋي سىنىپ جەتەكشى كەلبەتى»، اباي قۇنانباي ۇلى اتىنداعى №87 مەكتەپ-گيمنازياسى، فيزيكا ءپانى ءمۇعالىمى داۋىل كەڭەس «اباي الەمىندەگى فيزيكا نەمەسە قۇندىلىقتاردى پانگە قالاي كىرىكتىرەمىز؟»، №37 مەكتەپ-ليسەيىنىڭ ماتەماتيكا ءپانى ءمۇعالىمى سەرەەتەر گۋلباحىت «ماتەماتيكا-قۇندىلىقتىڭ قاينار كوزى»، №8 مەكتەپ-ليسەيىنىڭ 4-سىنىپ وقۋشىسى تاسبولات اياجان سابيت قىزى «تىعىلما قويىنى الەمدى وزگەرتەدى دەسەم سەنەسىزدەر مە؟» تاقىرىپتارىندا قىزىقتى تاجىريبەلەرىمەن ءبولىستى.
№81«Astana English School» حالىقارالىق مەكتەبى ءمۇعالىمى نۇركەن ەلدوس ەرلان ۇلى «بالالاردىڭ كىتاپ وقۋعا دەگەن قىزىعۋشىلىعىن قالاي وياتامىز؟» دەپ وي تولعاپ، ءوزىنىڭ شاكىرتى، جاس قالامگەر 10-سىنىپ وقۋشىسى امانجول ايزەرە تالعاتقىزىنا كەزەك بەردى. ايزەرە جاستاردىڭ كىتاپ وقۋعا ىنتالاندىرۋ جولىن، ءوز تاجىريبەسىمەن بايلانىستىرىپ، قىزىقتى ەتىپ اڭگىمەلەپ بەردى. اعىلشىن ءتىلىن جەتىك بىلەتىنىن دە كوپشىلىككە پاش ەتتى.
شارانىڭ قورىتىندىسىندا جارىس سوزگە شىققان پەداگوگتەر بالا تاربيەسى قوعامنىڭ ەڭ قوزعاۋشى ەكەندىگىنە، بالا قانشالىقتى ءبىلىمدى بولعانمەن، ادامگەرشىلىك، مەيىرىمدىلىك، ەڭبەك ادامىنىنا قۇرمەت، ۇلكەندى سىيلاۋ، كىشىگە ىزەت كورسەتۋ سياقتى قاسيەتتەردى مەڭگەرمەسە، ۇلتتىق ءداستۇر مەن انا ءتىلىن جاستايىنان ءبىلىپ وسپەسە ەل دامۋىنا قانداي ۇلەس قوسپاق؟ دەگەن ساۋالدار توڭىرەگىندە ورامدى ويلارىن ورتاعا سالدى.
«وقۋشىلارعا ءبىلىم مەن قاتار تاعىلىمدى تاربيە بەرۋ بەرۋ وتە ماڭىزدى. جاساندى ينتەللەكتى داۋىرىندە ادامدى وزگەلەردەن ەرەكشەلەپ تۇراتىن ونىڭ جىلى جۇرەگى مەن ادامگەرشىلىك قاسيەتى بولۋى كەرەك. ەكى كۇنگە سوزىلعان شاراعا ءار وڭىردەن 60 شاقتى قاتىسۋشى كەلىپ وتىر. ولارعا «ءبىرتۇتاس تاربيە» باعدارلاماسىن جۇزەگە اسىرۋداعى ەلوردا مەكتەپتەرىندەگى وزىق تاجىريبەلەرىمىزدى كورسەتىپ جاتىرمىز»، – دەيدى شارانى ۇيىمداستىرۋشىلاردىڭ ءبىرى استانا قالاسى ادىستەمەلىك ورتالىعىنىڭ باسشىسى سىندار داۋەشوۆا.
ءبىلىم بەرۋ ۇيىمدارى بالالاردىڭ بويىنا ادامي قاسيەتتەردى دامىتاتىن ورتا بولعاندىقتان، وسى باعىتتاعى بارلىق يگى شارالاردى ۇنەمى تاجىريبە ارقىلى جەتىلدىرىپ وتىرسا، ۇستازداردىڭ دا مارتەبەسى بيىكتەي بەرەدى دەپ وي ءبولىستى. وڭىرلەردەن كەلگەن قاتىسۋشىلار ەلوردا مەكتەپتەرىندەگى قۇندىلىققا نەگىزدەلگەن ءبىلىم بەرۋ تاجىريبەسىنىڭ جۇيەلى جۇزەگە اسىپ جاتقاندىعىنا نازار اۋدارىپ، «وقۋشىلار بويىنا تاربيە قۇندىلىقتارىن دارىتۋدىڭ كوپتەگەن جاڭاشىل تاسىلدەرىن ءوز تاجىريبەمىزگە ەنگىزەمىز، تاجىريبە الماسۋ سەمينارىنان ۇيرەنگەنىمىز كوپ بولدى» دەپ اقجارما پىكىرلەرىن ءبىلدىردى.
ەرعازى ماناپ ۇلى
