Y. Altynsarin atyndaǵy Ulttyq bilim akademiiasy, Astana qalasynyń Bilim basqarmasy, Astana qalasy ákimdiginiń «Ádistemelik ortalyǵy» birlesip, №103 orta mektepte «Birtutas tárbie: ulttyq qundylyqtar men zamanaýi qoǵam úndestigi» taqyrybynda respýblikalyq seminardyń qorytyndy plenarlyq otyrysyn ótkizdi.
Mektepte uiymdastyrylǵan «SMART BALA» kórmesinde elordalyq oqýshylardyń jańa zaman tehnologiialaryn paidalana otyryp, tabiǵatty qorǵaý, turmysty jeńildetý, zerdeni damytý siiaqty kóptegen ozyq ónertabystary kópshilikke tanystyryldy.
Atalǵan shara bir kún buryn Q. Muhamedhanov atyndaǵy №90 gimnziiasynda respýblikalyq seminar retinde bastalǵan bolatyn.
Seminardyń maqsaty – ulttyq jáne jalpyadamzattyq qundylyqtarǵa negizdelgen «Birtutas tárbie» baǵdarlamasyn engizý arqyly tulǵanyń jan-jaqty damýyna jaǵdai jasaý, qundylyqtardy oqytý jáne tárbie protsesine kiriktirý boiynsha úzdik tájiribelerdi taratý.
Seminar jumysy aiasynda pedagogikalyq hakaton, «Ulttyq qasietter men qoǵamdyq órkeniet úilesimi», «Qundylyqpen birge: qiyndyq, kózqaras, ózgeris», «Oqýshylardyń jan-jaqty damýy: tárbie men bilimniń úilesimdiligi», «Qundylyqtardy oqytý protsesine kiriktirý: tájiribe jáne tásilder», «Ata-ana jáne bala: úilesimdi qarym-qatynasqa qol jetkizý joldary», «Tárbie men oqytýda qundylyqtar júiesin qalyptastyrýdyń úzdik tájiribeleri» taqyryptarynda tájiribelik alańdar jumysy uiymdastyrylǵan. Sondai-aq aimaqtardan kelgen ustazdar, №8,87,37,90,91, 76 bilim berý uiymdarynyń tájiribelerin kórip, ózara pikir almasqan.
Keleli keńeske QR Oqý-aǵartý ministrliginiń, Y. Altynsarin atyndaǵy Ulttyq bilim akademiiasynyń ókilderi, Oblystardyń, Astana, Almaty jáne Shymkent qalalarynyń Ádistemelik ortalyqtary basshylarynyń orynbasarlary, ádiskerleri, memlekettik jáne jeke menshik bilim berý uiymdarynyń basshylary, basshy orynbasarlary jáne elordalyq pedagogter qatysty.
«TARBIE TALKS» plenarlyq sessiiasyn Astana qalasy Bilim basqarmasynyń basshysy Qasymhan Senǵazyev kirispe sóz sóilep ashyp, elordalyq bilim berý uiymdarynda júzege asyp – jatqan «Birtutas tárbie» jumystaryna nazar aýdaryp, aldaǵy ýaqytta atqarylatyn sharalardy ortaq tájiribe almasý arqyly aiqyndaýdyń mańyzdylyǵyna toqtaldy.
Astana qalasynyń Bala quqyqtary jónindegi ýákili Bimendina Asima Temkenqyzy bala tárbiesine ekpin berse, Y. Altynsarin atyndaǵy Ulttyq bilim akademiiasynyń vitse-prezidenti Táńirbergenova Anar Shynbolatqyzy Birtutas tárbie» baǵdarlamasyndaǵy qundylyqtardy sabaq mazmunyna engizý tásilderine naqty mysaldar keltirdi. 14 aqpan kitap syilaý kúni merekesine orai «Birtutas tárbie» baǵdarlamasyn júzege asyrýda jetistikterge jetip júrgen óńirden kelgen ustazdarǵa kitap tartý etti.
«Bilim-Innovatsiia» Halyqaralyq qoǵamdyq qory, tárbie bóliminiń bas mamany Elýbaeva Altynkúl «Qundylyqqa negizdelgen bilim berý», №93 mektep-litseii synyp jetekshisi Yryskeldi Baqytjan «Qundylyqtarǵa bai, zamanaýi synyp jetekshi kelbeti», Abai Qunanbaiuly atyndaǵy №87 mektep-gimnaziiasy, fizika páni muǵalimi Daýyl Keńes «Abai álemindegi fizika nemese qundylyqtardy pánge qalai kiriktiremiz?», №37 mektep-litseiiniń matematika páni muǵalimi Sereeter Gýlbahyt «Matematika-qundylyqtyń qainar kózi», №8 mektep-litseiiniń 4-synyp oqýshysy Tasbolat Aiajan Sabitqyzy «Tyǵylma qoiyny álemdi ózgertedi desem senesizder me?» taqyryptarynda qyzyqty tájiribelerimen bólisti.
№81«Astana English School» halyqaralyq mektebi muǵalimi Nurken Eldos Erlanuly «Balalardyń kitap oqýǵa degen qyzyǵýshylyǵyn qalai oiatamyz?» dep oi tolǵap, óziniń shákirti, jas qalamger 10-synyp oqýshysy Amanjol Aizere Talǵatqyzyna kezek berdi. Aizere jastardyń kitap oqýǵa yntalandyrý jolyn, óz tájiribesimen bailanystyryp, qyzyqty etip áńgimelep berdi. Aǵylshyn tilin jetik biletinin de kópshilikke pash etti.
Sharanyń qorytyndysynda jarys sózge shyqqan pedagogter bala tárbiesi qoǵamnyń eń qozǵaýshy ekendigine, bala qanshalyqty bilimdi bolǵanmen, adamgershilik, meiirimdilik, eńbek adamynyna qurmet, úlkendi syilaý, kishige izet kórsetý siiaqty qasietterdi meńgermese, ulttyq dástúr men ana tilin jastaiynan bilip óspese el damýyna qandai úles qospaq? degen saýaldar tóńireginde oramdy oilaryn ortaǵa saldy.
«Oqýshylarǵa bilim men qatar taǵylymdy tárbie berý berý óte mańyzdy. Jasandy intellekti dáýirinde adamdy ózgelerden erekshelep turatyn onyń jyly júregi men adamgershilik qasieti bolýy kerek. Eki kúnge sozylǵan sharaǵa ár óńirden 60 shaqty qatysýshy kelip otyr. Olarǵa «Birtutas tárbie» baǵdarlamasyn júzege asyrýdaǵy elorda mektepterindegi ozyq tájiribelerimizdi kórsetip jatyrmyz», – deidi sharany uiymdastyrýshylardyń biri Astana qalasy Ádistemelik ortalyǵynyń basshysy Syndar Daýeshova.
Bilim berý uiymdary balalardyń boiyna adami qasietterdi damytatyn orta bolǵandyqtan, osy baǵyttaǵy barlyq igi sharalardy únemi tájiribe arqyly jetildirip otyrsa, ustazdardyń da mártebesi biiktei beredi dep oi bólisti. Óńirlerden kelgen qatysýshylar elorda mektepterindegi qundylyqqa negizdelgen bilim berý tájiribesiniń júieli júzege asyp jatqandyǵyna nazar aýdaryp, «oqýshylar boiyna tárbie qundylyqtaryn darytýdyń kóptegen jańashyl tásilderin óz tájiribemizge engizemiz, tájiribe almasý seminarynan úirengenimiz kóp boldy» dep aqjarma pikirlerin bildirdi.
Erǵazy MANAPULY
