ەلىمىزدە تۇڭعىش پرەزيدەنتتىڭ ەسىمى بەرىلگەن ۇلتتىق قورعانىس ۋنيۆەرسيتەتى ەندى قازاقستان رەسپۋبليكاسىنىڭ ۇلتتىق قورعانىس ۋنيۆەرسيتەتى دەپ اتالماق، دەپ حابارلايدى Dalanews.kz.
اتاۋدىڭ وزگەرۋى تۋرالى قۇجات “اشىق نقا” پورتالىندا جاريالاندى. وندا ۇكىمەت جوعارى وقۋ ورىندارىنىڭ ەرەكشە مارتەبەسىنە قاتىستى ەرەجەلەرگە وزگەرىس ەنگىزۋدى ۇسىنعان. قۇجات 2025 جىلدىڭ 18 شىلدەسىنە دەيىن قوعامدىق تالقىلاۋدا بولادى.
بۇل ۋنيۆەرسيتەتتىڭ اتاۋىنان نۇرسۇلتان نازاربايەۆتىڭ ەسىمى الىناتىنى تۋرالى شەشىم 2023 جىلى ايتىلعان. سەبەبى سەنات دەپۋتاتتارى “قازاقستان رەسپۋبليكاسىنىڭ تۇڭعىش پرەزيدەنتى – ەلباسى تۋرالى” كونستيتۋسيالىق زاڭ كۇشىن جويعان سوڭ، ۋنيۆەرسيتەتتىڭ اتاۋىن وزگەرتۋدى ۇسىنعان.
ەسكە سالايىق، 2003 جىلى ەلىمىزدىڭ قارۋلى كۇشتەرى مەن ارنايى ورگاندارعا وفيسەرلەر دايىندايتىن اسكەري وقۋ ورنى قۇرىلدى. وعان 2018 جىلى ەلباسىنىڭ ەسىمى بەرىلگەن ەدى.
