Elimizde Tuńǵysh Prezidenttiń esimi berilgen Ulttyq qorǵanys ýniversiteti endi Qazaqstan Respýblikasynyń Ulttyq qorǵanys ýniversiteti dep atalmaq, dep habarlaidy Dalanews.kz.
Ataýdyń ózgerýi týraly qujat “Ashyq NQA” portalynda jariialandy. Onda Úkimet joǵary oqý oryndarynyń erekshe mártebesine qatysty erejelerge ózgeris engizýdi usynǵan. Qujat 2025 jyldyń 18 shildesine deiin qoǵamdyq talqylaýda bolady.
Bul ýniversitettiń ataýynan Nursultan Nazarbaevtyń esimi alynatyny týraly sheshim 2023 jyly aitylǵan. Sebebi Senat depýtattary “Qazaqstan Respýblikasynyń Tuńǵysh Prezidenti – Elbasy týraly” Konstitýtsiialyq zań kúshin joiǵan soń, ýniversitettiń ataýyn ózgertýdi usynǵan.
Eske salaiyq, 2003 jyly elimizdiń Qarýly kúshteri men arnaiy organdarǵa ofitserler daiyndaityn áskeri oqý orny quryldy. Oǵan 2018 jyly Elbasynyń esimi berilgen edi.
