باۋىرجان ءابجانوۆ قازاقستان رەسپۋبليكاسىنىڭ ۇلتتىق قورعانىس ۋنيۆەرسيتەتىنىڭ باستىعى بولىپ تاعايىندالدى، دەپ حابارلايدى Dalanews.kz.
اقوردا تاراتقان اقپاراتقا سايكەس، مەملەكەت باسشىسىنىڭ وكىمىمەن ءابجانوۆ باۋىرجان سادىق ۇلى اتالعان لاۋازىمعا بەكىتىلدى.
ول 2022 جىلدىڭ شىلدە ايىنان بەرى ۇلتتىق ۇلان باس قولباسشىسىنىڭ ورىنباسارى قىزمەتىن اتقارعان. بۇعان دەيىن، 2018 جىلدىڭ قاراشا ايىنان باستاپ پەتروپاۆل قالاسىنداعى ۇلتتىق ۇلان اكادەمياسىنىڭ باستىعى بولعان. ال 2018 جىلدىڭ قاڭتارىنان باستاپ ۇلتتىق ۇلان باس قولباسشىلىعىنىڭ ينسپەكتورلىق-تالداۋ باسقارماسىنىڭ باستىعى – اسكەري كەڭەس حاتشىسى قىزمەتىن اتقارعان.
