- جەردى ساتۋ ارقىلى مەملەكەت بيۋدجەتتى تولىقتىرعىسى كەلە مە؟
بىرىنشىدەن، اۋىلشارۋاشىلىعى ماقساتىندا قولدانىلاتىن جەردى ساتقاننان تۇسەتىن قارجىلار بيۋدجەتكە ەمەس، ۇلتتىق قورعا اۋدارىلادى.
ەكىنشىدەن، جەردى ساتۋ ارقىلى مەملەكەت ونداي كىرىس تابۋدى ماقسات ەتپەيدى. باستى وي-پىكىر – جەردى ەكونوميكالىق اينالىمعا تارتۋ.
- 49 جىلعا دەيىنگى مەرزىممەن جالعا الىنعان جەر تەلىمدەرىنە نە بولادى؟
جەردى 49 جىلعا دەيىن جالعا بەرۋ تۋرالى نورما سوناۋ 2003 جىلى، جەر كودەكسىن قابىلداعان كەزدە ەنگىزىلگەن بولاتىن. 2016 جىلعى 1 شىلدەدەن كەيىن دە جالعا بەرۋ تۋرالى كەلىسىمشارت ءوز كۇشىن ساقتايدى، ول جەرلەردى ەشكىم قوزعامايدى. ەسەسىنە، بۇگىنگى جالعا الۋشىلاردىڭ، قازاقستاننىڭ ازاماتتارى مەن زاڭدى تۇلعالارىنىڭ وسى تەلىمدەردى جەڭىلدىك شارتتىلىقتارىمەن ساتىپ الۋىنا مۇمكىندىك تۋىندايدى. بۇل ءۇشىن اكىمدىككە ءوتىنىش جازۋ كەرەك. سول جەردە تىكەلەي ساتۋ كەلىسىمشارتى جاسالىپ، ياعني اۋكسيونعا تۇسىرىلمەي، جالعا الۋشى جەردىڭ يەسىنە اينالادى. بۇل رەتتە جەر تەلىمىنىڭ قۇنى كاداسترلىق قۇننىڭ 50 پايىزىن قۇرايدى جانە جالعا الۋشى جەر تەلىمىن 10 جىلعا ءبولىپ تولەۋ مەرزىمىمەن ساتىپ الۋ مۇمكىندىگىنە يە بولادى.
- شەتەلدىكتەر قالاي؟ ولارعا جەر ساتىلا ما؟
جەر كودەكسىنىڭ 24 بابىنا سايكەس شەتەلدىكتەر مەن شەتەلدىك كومپانيالارعا قازاقستاندىق جەردى جەكە مەنشىك قۇقىمەن يەلەنۋگە تىيىم سالىنادى.
- ەگەر ولارعا جەردى ساتىپ الۋعا بولماسا، نە ماسەلەلەرگە رۇقسات ەتىلگەن؟
2001 جىلدان باستاپ، شەتەلدىكتەرگە اۋىلشارۋاشىلىعى ماقساتىنداعى جەر تەلىمدەرى 10 جىلعا جالعا بەرىلىپ كەلدى.
2011 جىلدان باستاپ، شەتەلدىكتەر مەن جارعىلىق قارجىسىنداعى شەتەلدىكتەردىڭ ۇلەس سالماعى ەلۋ پايىزدان اساتىن زاڭدى تۇلعالار اۋىلشارۋاشىلىعى ماقساتىنداعى جەر تەلىمدەرىن تەك قانا 10 جىلعا دەيىنگى مەرزىمدە جالعا الۋ قۇقىمەن پايدالانا الدى. ال 2015 جىلدىڭ 1 قاڭتارىنان باستاپ بۇل مەرزىم 25 جىلعا دەيىن ۇلعايدى. بۇل اۋىل شارۋاشىلىعى تۇسىمدىلىگىنىڭ تومەندىگىمەن جانە اۋقىمدى ينۆيستيسيانى قاجەت ەتۋىمەن بايلانىستى. سول سەبەپتى دە ءتۇسىم الۋ ءۇشىن ورتا ەسەپپەن العاندا 10-15 جىل كەرەك.
- قازاقستاندىق ازامات الدىمەن جەردى ساتىپ الىپ، كەيىن ونى شەتەلدىككە ساتا الا ما؟
ەگەر قازاقستان ازاماتى جەردى ساتىپ الىپ، كەيىن شەتەلدىككە ساتقىسى كەلسە، وعان زاڭ بويىنشا تىيىم سالىنادى. ەگەر ول سونداي قادامعا بارعاننىڭ وزىندە جاسالعان كەلىسىمشارتتىڭ زاڭدى كۇشى بولمايدى. زاڭناماعا سايكەس مۇنداي مامىلەنى تىركەۋگە نوتاريۋستاردىڭ قۇقى جوق، ال ادىلەت ۇيىمدارى مامىلەدەن تۋىندايتىن قۇقىقتى تىركەمەيدى.
(ءام 31 قاڭتار 2012 ج. №31 بۇيرىعى)
- قازاقستاندا قانشا جەر جالعا بەرىلگەن جانە قانشا جەردى ساتۋعا بولادى؟
جالعا بەرىلگەن اۋىلشارۋاشىلىعى ماقساتىنداعى جەر تەلىمدەرىنىڭ جالپى كولەمى 99،5 ملن. گا. قۇرايدى. وسىنىڭ ىشىندە 1،3 ملن. گا. عانا جەكە مەنشىكتە. بۇل جەردىڭ 68، 4 ملن. گا. جايىلىمدىق جەر.
2016 جىلدىڭ 1 شىلدەسىنەن باستاپ اكىمدىكتەر قورداعى جەردىڭ 1،7 ملن. گا اۋكسيونعا شىعارۋدى جوسپارلاپ وتىر. قورداعى مەملەكەتتىك جەردىڭ جالپى كولەمى 100،1 ملن. گا جانە قالعان جايىلىمدىق جەردىڭ اۋقىمدى بولىكتى نەمەسە 78، 5 ملن. گا.
