ق ر ۇلتتىق بانكىنىڭ ساراپشىلار قاۋىمداستىعى اراسىندا جۇرگىزگەن كەزەكتى ماكروەكونوميكالىق ساۋالنامانىڭ ناتيجەسى جاريالاندى. وندا كەيبىر كورسەتكىشتەر ناشارلاتۋ تۇرعىسىندا قايتا قاراستىرىلعان، دەپ حابارلايدى Dalanews.kz.
مۇناي باعاسى مەن ەكونوميكالىق ءوسىم
2025 جىلدىڭ مامىر ايىندا ساۋالناماعا قاتىسقان ساراپشىلار مۇناي باعاسىنا قاتىستى سەنارييلىك شارتتاردى قايتا قارادى.
وعان سايكەس، 2025 جىلعى Brent ماركالى مۇنايدىڭ ءبىر باررەلىنىڭ مەديانالىق باعاسى 75،0-تەن 69،3 اقش دوللارىنا دەيىن تومەندەدى. 2026 جانە 2027 جىلدارعا ارنالعان كۇتۋلەر تيىسىنشە 66،0 جانە 66،2 اقش دوللارى دەڭگەيىندە تۇراقتاندى.
قازاقستان ەكونوميكاسىنىڭ 2025 جىلعا ارنالعان ءوسىم قارقىنى بويىنشا بولجامدارى 4،7%-تەن 5،0%-كە دەيىن جوعارى قاراي قايتا قارالدى. 2026 جانە 2027 جىلدارعا ارنالعان كۇتۋلەر الدىڭعى بولجامداعى دەڭگەيدە وزگەرىسسىز قالدى: تيىسىنشە 4،5% جانە 4،3%.
ۆاليۋتا باعامى
2025 جىلدىڭ قورىتىندىسى بويىنشا ۇلتتىق ۆاليۋتاعا شاققاندا 1 اقش دوللارىنىڭ باعامى ورتاشا شامادا 513،9 تەڭگە (الدىندا 510 تەڭگە دەلىنگەن)، 2026 جىلى 540 تەڭگە (الدىڭعى بولجامدا - 532 تەڭگە جانە 2027 جىلى 550 تەڭگە بولادى دەپ كۇتىلەدى.
ينفلياسيا جانە بازالىق مولشەرلەمە
ساۋالناماعا قاتىسقاندار ساراپشىلاردىڭ ينفلياسيالىق كۇتۋلەر بويىنشا بولجامى جوعارىلاۋ ءۇردىسىن جالعاستىرۋدا. وسىلايشا 2025 جىلعا ارنالعان بولجام 10،6%-تەن 10،7%-كە، 2026 جىلعا – 9،0%-تەن 9،4%-كە، 2027 جىلعا – 6،1%-تەن 6،8%-كە دەيىن كوتەرىلدى.
ينفلياسيا بويىنشا بولجامداردىڭ وزگەرۋىنە بايلانىستى بازالىق مولشەرلەمەگە قاتىستى كۇتۋلەر دە قايتا قارالدى.
بازالىق مولشەرلەمە بويىنشا 2025 جىلدىڭ سوڭىنا ارنالعان مەديانالىق بولجام 15،9%-تەن 16،3%-كە دەيىن، 2026 جىلعا – 14،3%-تەن 14،5%-كە دەيىن، 2027 جىلعا – 11،5%-دان 12،0%-عا دەيىن كوتەرىلدى.
ساۋالناماعا قازاقستان بويىنشا ماكروەكونوميكالىق كورسەتكىشتەردى تالداۋمەن جانە بولجاۋمەن اينالىساتىن 14 ۇيىم قاتىستى. رەسپوندەنتتەردىڭ اراسىندا نارىقتىڭ كاسىبي قاتىسۋشىلارى، زەرتتەۋ ينستيتۋتتارى، حالىقارالىق ۇيىمدار، سونداي-اق رەيتينگتىك اگەنتتىكتەر دە بار.
ەسكە سالاتىن جايت، ماكروەكونوميكالىق ساۋالنامادا ۇلتتىق بانكتىڭ بولجامدارى قامتىلماعان. ول قازاقستانداعى جانە الەمدىك نارىقتارداعى احۋالدىڭ دامۋىنا قاتىستى نارىقتاعى كاسىبي قاتىسۋشىلاردىڭ دەربەس پىكىرىنە، باعالاۋلارىنا جانە كۇتۋلەرىنە شولۋ تۇرىندە بەرىلەدى.
