17 قاڭتاردا قازاقستان رەسپۋبليكاسى ۇلتتىق بانكٸنٸڭ اقشا-كرەديت ساياساتى كوميتەتٸ بازالىق مٶلشەرلەمەنٸ +/- 1 پ.ت. دەلٸزٸمەن جىلدىق 15,25% دەڭگەيٸندە بەلگٸلەۋ تۋرالى شەشٸم قابىلدادى, دەپ جازادى Dalanews.kz.
بانك تاراتقان اقپاتقا سەيكەس, جەلتوقسان ايىندا قازاقستاندا ينفلياتسييا 8,6%-عا دەيٸن ٷدەپ, 2024 جىلعا بولجانعان 8-9% دياپازون شەگٸندە قالىپتاستى.
"قىزمەتتەر باعاسىنىڭ جوعارى ٶسۋٸ جەنە تامىزدان باستاپ بايقالىپ وتىرعان ازىق-تٷلٸككە جاتپايتىن تاۋارلار ينفلياتسيياسىنىڭ جەدەلدەۋٸ ونىڭ ديناميكاسىنا كٶپتەپ ٷلەس قوستى. "تاريفتٸ ينۆەستيتسيياعا ايىرباستاۋ" باعدارلاماسىن ٸسكە اسىرۋ مەن تەڭگەنٸڭ ەلسٸرەۋٸ اياسىندا ينفلياتسييا كٷش الىپ تۇر. سونىمەن قاتار ينفلياتسييانىڭ ورنىقتى بٶلٸگٸندە ٶسٸم ساقتالىپ وتىر. ول فيسكالدىق ىنتالاندىرۋ جالعاسقاندىقتان سۇرانىس تاراپىنان قىسىم بارىن كٶرسەتەدٸ. جەلتوقسان ايىندا حالىقتىڭ ينفلياتسييالىق كٷتۋلەرٸ, جوعارى قۇبىلمالىلىقتى كٶرسەتٸپ, قايتا ٶستٸ", دەلٸنگەن حابارلامادا.
ەلەمدٸك ازىق-تٷلٸك باعاسىنىڭ جوعارى بولۋىنا جەنە رەسەيدە ينفلياتسييانىڭ قارقىن الۋىنا بايلانىستى سىرتقى ينفلياتسييالىق قىسىم جوعارى بولىپ تۇرعانى دا ناقتىلانادى.
"دامىعان ەكونوميكالاردا ينفلياتسييا سوڭعى ايلاردا ۇزاققا جالعاسقان تٶمەندەۋ كەزەڭٸنەن كەيٸن بٸرشاما ٶستٸ. ورنىقتى ينفلياتسييا جەنە كٷشتٸ ەڭبەك نارىعى ۇزاق ۋاقىت بويى قاتاڭ سىرتقى مونەتارلىق تالاپتاردىڭ ساقتالۋىنا ەسەر ەتۋٸ ىقتيمال. مەسەلەن, اقش فرج قىركٷيەك ايىنداعى باعالاۋمەن سالىستىرعاندا مٶلشەرلەمەلەر باياۋ تٶمەندەيدٸ دەپ كٷتەدٸ", دەلٸنگەن رەتتەۋشٸ ورگان بولجامىندا.
2024 جىلدىڭ قورىتىندىسى بويىنشا قىسقامەرزٸمدٸ ەكونوميكالىق ينديكاتوردىڭ ٶسۋٸ ج/ج 6,2%-عا دەيٸن جەدەلدەدٸ. بۇل ەكونوميكانىڭ ارتىق ٶسكەنٸن كٶرسەتەتٸن بەلگٸ بولۋى مٷمكٸن. بارلىق نەگٸزگٸ سالادا ٶندٸرٸس ارتقانى بايقالادى. اۋىل شارۋاشىلىعى, قۇرىلىس, ساۋدا جەنە كٶلٸك سالالارى جاقسى ٶسٸم كٶرسەتتٸ. سونىمەن قاتار ٶڭدەۋ ٶنەركەسٸبٸندە ديناميكا تەۋٸر قارقىن العانى بايقالادى.
ٸشكٸ سۇرانىس ۇسىنىس مٷمكٸندٸكتەرٸنەن اسىپ تٷسەدٸ جەنە بەلسەندٸ فيسكالدىق ىنتالاندىرۋعا, اقشالاي كٸرٸستەردٸڭ ٶسۋٸنە, سونداي-اق شيكٸزاتقا جاتپايتىن سەكتورداعى ينۆەستيتسييالاردىڭ كەڭەيۋٸنە بايلانىستى ورنىقتى تٷردە جوعارى قالىپ تۇر. ونى بٶلشەك ساۋدا مەن تۇتىنۋشىلىق كرەديتتەۋدٸڭ ٶسكەنٸ راستايدى. ۇلتتىق بانك باقىلاپ وتىرعان ٸسكەرلٸك بەلسەندٸلٸك ينديكاتورى 11 اي قاتارىنان وڭ كٶرسەتكٸش كٶرسەتتٸ.
ۇلتتىق بانكتٸڭ مەلٸمەتٸنشە, ينفلياتسييالىق تەۋەكەلدەر ساقتالىپ وتىر.
"سىرتقى ورتادان – ولار رەسەيدەگٸ ينفلياتسييانىڭ جوعارىلاۋىنا بايلانىستى, ال ٸشكٸ ورتادان – رەتتەلەتٸن باعالار سالاسىنداعى رەفورمانىڭ جالعاسۋىنا, ەلسٸرەگەن تەڭگەنٸڭ باعالارعا ەسەر ەتۋٸنە, فيسكالدىق ىنتالاندىرۋ, تۇراقسىز ينفلياتسييالىق كٷتۋلەر جەنە تۇتىنۋشىلىق كرەديتتەۋدٸڭ ٶسۋٸ كەزٸندەگٸ جوعارى ٸشكٸ سۇرانىسقا بايلانىستى", دەلٸنگەن حابارلامادا.
ايىرباستاۋ باعامىنىڭ ەلسٸرەۋٸ, ينفلياتسييالىق كٷتۋلەردٸڭ جەدەلدەۋٸ, سونداي-اق ينفلياتسييانىڭ ناقتى ديناميكاسىنىڭ ٶسۋٸ اياسىندا جيىنتىق اقشا-كرەديت شارتتارى بٸرشاما جەڭٸلدەدٸ. وسىعان بايلانىستى نەگٸزگٸ ماكروەكونوميكالىق كٶرسەتكٸشتەردٸڭ بولجامى جاڭارتىلاتىن كەلەسٸ شەشٸمدە كوميتەت ينفلياتسييانى 5%-دىق تارگەتكە قاراي ورنىقتى تٷردە تٶمەندەۋ تراەكتوريياسىنا قايتارۋ ٷشٸن اقشا-كرەديت ساياساتىن قوسىمشا قاتاڭداتۋ قاجەتتٸلٸگٸن انىقتايدى.
ۇلتتىق بانكتٸڭ بازالىق مٶلشەرلەمە بويىنشا كەزەكتٸ جوسپارلى شەشٸمٸ 2025 جىلعى 7 ناۋرىزدا استانا قالاسىنىڭ ۋاقىتىمەن ساعات 12:00-دە جارييالانادى.
بۇعان دەيٸن Halyk Finance ۇلتتىق بانكتٸڭ بازالىق مٶلشەرلەمەنٸڭ قازٸرگٸ دەڭگەيٸن ساقتاپ قالاتىنىن بولجاعان ەدٸ.
