قارجىلىق مونيتورينگ اگەنتتٸگٸ ۇلىتاۋ ٶڭٸرٸندە مارگانەتس رۋداسىن رۇقساتسىز ٶندٸرۋگە جەنە كەيٸن ونى زاڭداستىرۋعا قاتىستى تەرگەۋدٸ اياقتاپ,ٸستٸ سوتقا جٸبەردٸ.قىلمىس "قازاقستان عارىش ساپارى" اق-تىڭ اەروعارىشتىق سۋرەتتەرٸنٸڭ كٶمەگٸمەن انىقتالدى, دەپ حابارلايدى Dalanews.kz.
قۇزىرلى ۆەدومستۆو مەلٸمەتٸنشە, كٷدٸكتٸ ازامات 2020-2023 جىلدار ارالىعىندا ەشقانداي رۇقسات قۇجاتتارىنسىز ۇلىتاۋ وبلىسىنداعى "ۆوستوچنىي كارەرٸنەن" مارگانەتس رۋداسىن زاڭسىز ٶندٸرۋمەن اينالىسقان.
"جەر قويناۋىن ٶز بەتٸنشە پايدالانۋ فاكتٸلەرٸن تەرگەپ-تەكسەرۋ بارىسىندا كارەر ورنالاسقان جەر ۋچاسكەسٸن پايدالانۋ جٶنٸندەگٸ ۋەكٸلەتتٸ ورگانداردان بەرٸلمەگەنٸ, سونداي-اق جوعارىدا اتالعان ازاماتتىڭ تيٸستٸ تٸركەۋٸ جوق ەكەنٸ انىقتالدى.كەيٸننەن كٷدٸكتٸ جالعان شوت-فاكتۋرالاردى جازىپ, زاڭسىز ٶندٸرٸلگەن مارگانەتس رۋداسىن زاڭداستىرىپ, رەسپۋبليكا بويىنشا جەنە شەت مەملەكەتتەرگە ٶتكٸزگەن", دەلٸنگەن قارجىلىق مونيتورينگ اگەنتتٸگٸنٸڭ 27 قىركٷيەكتە تاراتقان حابارلاماسىندا.
مارگانەتس رۋدالارى ٶنەركەسٸپتٸڭ ەرتٷرلٸ سالالارىندا – مەتاللۋرگييادا, حيمييادا, كەراميكادا, شىنىدا, ال ونىڭ قوسىلىستارى – فارماتسەۆتيكا ٶنەركەسٸبٸندە قولدانىلادى.
"مەملەكەتكە 1 ملرد تەڭگەدەن استام شىعىن كەلگەن. زاڭسىز ٶندٸرٸلگەن كەن كٶلەمٸ 16 مىڭ توننانى قۇراپ, جالپى سوماسى 3 ملرد تەڭگەدەن اسادى.كٷدٸكتٸنٸڭ 337 ملن تەڭگەنٸڭ جىلجىمالى جەنە جىلجىمايتىن مٷلكٸ تەركٸلەندٸ",- دەيدٸ اگەنتتٸك.
قر قپك 201-بابىنا سەيكەس ٶزگە مەلٸمەتتەر جارييا ەتۋگە جاتپايتىنى ناقتىلانادى.
