Qarjylyq monitoring agenttigi Ulytaý óńirinde marganets rýdasyn ruqsatsyz óndirýge jáne keiin ony zańdastyrýǵa qatysty tergeýdi aiaqtap,isti sotqa jiberdi.Qylmys "Qazaqstan Ǵarysh Sapary" AQ-tyń aeroǵaryshtyq sýretteriniń kómegimen anyqtaldy, dep habarlaidy Dalanews.kz.
Quzyrly vedomstvo málimetinshe, kúdikti azamat 2020-2023 jyldar aralyǵynda eshqandai ruqsat qujattarynsyz Ulytaý oblysyndaǵy "Vostochnyi karerinen" marganets rýdasyn zańsyz óndirýmen ainalysqan.
"Jer qoinaýyn óz betinshe paidalaný faktilerin tergep-tekserý barysynda karer ornalasqan jer ýchaskesin paidalaný jónindegi ýákiletti organdardan berilmegeni, sondai-aq joǵaryda atalǵan azamattyń tiisti tirkeýi joq ekeni anyqtaldy.Keiinnen kúdikti jalǵan shot-faktýralardy jazyp, zańsyz óndirilgen marganets rýdasyn zańdastyryp, respýblika boiynsha jáne shet memleketterge ótkizgen", delingen Qarjylyq monitoring agenttiginiń 27 qyrkúiekte taratqan habarlamasynda.
Marganets rýdalary ónerkásiptiń ártúrli salalarynda – metallýrgiiada, himiiada, keramikada, shynyda, al onyń qosylystary – farmatsevtika ónerkásibinde qoldanylady.
"Memleketke 1 mlrd teńgeden astam shyǵyn kelgen. Zańsyz óndirilgen ken kólemi 16 myń tonnany qurap, jalpy somasy 3 mlrd teńgeden asady.Kúdiktiniń 337 mln teńgeniń jyljymaly jáne jyljymaityn múlki tárkilendi",- deidi agenttik.
QR QPK 201-babyna sáikes ózge málimetter jariia etýge jatpaityny naqtylanady.
