ۇلان اۋدانى اكىمى رەنات قۇرمامبايەۆ قۇس ەتى ءوندىرىسىن ۇلعايتۋ ماقساتىندا جىلىنا 60 مىڭ توننا ەت وندىرەتىن كاسىپورىنىڭ قۇرىلىس باستالعانىن ايتقان بولاتىن. قۇنى 21 ملرد تەڭگەنى قۇرايتىن جوبا «بيزنەستىڭ جول كارتاسى – 2025» باعدارلاماسى شەڭبەرىندە جۇزەگە اسىپ جاتقانىن ايتا كەتۋىمىز كەرەك. وتكەن جىلى جوباعا قاتىستى العاشقى جۇمىستار قولعا الىنعان بولاتىن.
– وسكەمەن قۇس فابريكاسى 45 جىلدان بەرى ءبىزدىڭ اۋداننىڭ اۋماعىندا تابىستى جۇمىس ىستەپ كەلەدى. كاسىپورىن برويلەر ءوندىرىسىن كەڭەيتىپ قۇس ەتىن ءوندىرۋدى جىلىنا 29 مىڭ تونناعا دەيىن ۇلعايتۋدى كوزدەپ وتىر. الداعى ۋاقىتتا قۇس فابريكاسى بالاپان شىعارۋدان باستاپ ەت ونىمدەرىن دايىنداۋعا دەيىنگى وندىرىستىك تىزبەكتى ىسكە قوساتىن بولادى. كاسىپورىن قۇرىلىسى 2022 جىلى تولىقتاي اياقتالادى، – دەدى اۋدان اكىمى.
اكىمنىڭ ايتۋىنشا الداعى جىلدىڭ ناۋرىز ايىنان باستاپ قۇس فابريكاسى ارنايى ينكۋباتورلاردا جۇمىرتقا باستىرۋ ىسىنە كىرىسپەكشى. ال ساۋىردە العاشقى بالاپانداردى الۋدى كوزدەپ وتىر. كاسىپورىن 2023 جىلى ءوزىنىڭ وندىرىستىك قۋاتىنا شىعىپ، جىل سايىن 60 مىڭ توننا قۇس ەتىن وندىرەدى دەر جوسپارلانۋدا. ءقازىردىڭ وزىندە كاسىپورىندا 600 ادام جۇمىس ىستەۋدە. قۇس فابريكاسىنىڭ قۇرىلىسى تولىقتاي اياقتالعاندا تاعى 700 ادام جۇمىسقا قابىلداناتىن بولادى.
ۇلان اۋدانىنداعى ەكىنشى ءىرى جوبا «اگروكومپلەكس دونسكوە» سەرىكتەستىگىنىڭ جىلىجاي كەشەنى. ءبىر جارىم گەكتار اۋماقتى الاتىن جىلىجايدى سالۋعا 1،3 ملرد تەڭگە قاراستىرىلعان. 2023 جىلى جىلىجاي كەشەنىنىڭ جۇمىسى اياقتالعاندا 50 اداماعا تۇراقتى جۇمىس ورىنى پايدا بولادى.
