ٷكٸمەت حالىقتىڭ باسپانا ٷشٸن بانكتەن العان نەسيەسٸنٸڭ 7 پايىزىن تٶلەيدٸ
قازٸر ەلٸمٸزدە كٶپ بانك وڭايلىقپەن يپوتەكا بەرە قويمايتىنى بەلگٸلٸ. نەسيەسٸنٸڭ ٷستٸ-ٷستٸنە ٷستەمە قوسىپ, 20 پايىزدان اسىرادى. قىسقاسى, حالىق ەسەبٸنەن قىرۋار پايداعا كەنەلۋدە. ەندٸ كٸسٸ ەسٸگٸندە كٷنەلتٸپ جٷرگەندەردٸ ٷكٸمەت جارىلقاعالى جاتىر. ٷمٸت كٷتٸپ وتىرعان «نۇرلى جەر» باعدارلاماسى شىن مەنٸندە ٸسكە اسار بولسا, يپوتەكا ارزانداماق.
– باعدارلامانىڭ بٸرنەشە نەگٸزگٸ باعىتتارى بار. ەڭ ەۋەلٸ يپوتەكالىق نەسيەنٸڭ پايىزى تٶمەندەيدٸ. تۇرعىن ٷي قۇرىلىس جيناق بانكٸنٸڭ سالىمشىلارى مەن ەكٸمدٸكتە ٷي كەزەگٸندە تۇرعاندار ٷشٸن ٷي قۇرىلىسىنىڭ كٶلەمٸن ارتتىرامىز, – دەيدٸ قر ۇلتتىق ەكونوميكا مينيسترٸ قۋاندىق بيشٸمباەۆ.
ماقتاۋى اسىرىلعان ٸس ەڭ ەۋەلٸ جۇرتقا پايىزى تٶمەن ارزان يپوتەكا الۋعا مٷمكٸندٸك بەرەدٸ. ياعني, جىلدىق سىياقى مٶلشەرلەمەسٸ 17 پايىزعا دەيٸنگٸ يپوتەكانى ەندٸ 10 پايىزبەن الۋعا بولادى. ٶيتكەنٸ, قالعان 7 پايىزىن مەملەكەت بيۋدجەتتەن سۋبسيدييا بٶلٸپ, بانكتەرگە ٶزٸ تٶلەيدٸ.
– ەكٸنشٸ دەڭگەيلٸ بانكتەر استانا مەن الماتى تۇرعىندارى ٷشٸن 20 ميلليون, ال باسقا ٶڭٸرلەر ٷشٸن 15 ميلليون تەڭگەگە دەيٸن يپوتەكا بەرەتٸن بولادى. نەسيەنٸ تٶلەۋ مەرزٸمٸ 15 جىلعا دەيٸن, – دەدٸ مينيستر.
مەملەكەتتٸڭ سۋبسيديياسىنا كەز كەلگەن تۇرعىن ٶتٸنٸش بەرسە بولادى. الايدا, تالاپ بويىنشا, الاتىن پەتەردٸڭ العاشقى جارناسى مٸندەتتٸ تٷردە بولۋى تيٸس. ونىڭ كٶلەمٸن بانكتٸڭ ٶزٸ انىقتايدى. بٸراق, تۇرعىن ٷي نارىعىنداعى الپاۋىت كومپانييالار جۇرت جاپپاي ارزان يپوتەكا الا المايتىنىن العا تارتۋدا. ٶيتكەنٸ, نەسيەنٸڭ بٸر بٶلٸگٸن تٶلەۋگە ٷكٸمەت كٶمەكتەسكەنٸمەن, ەكٸنشٸ دەڭگەيلٸ بانكتەر ادامدارعا قىرۋار اقشانى ۇزاق جىلعا سەنٸپ تاپسىرىپ, تەۋەكەلگە بارمايدى.
بۇعان قاتىستى قۇرىلىسشىلار قاۋىمداستىعىنىڭ تٶراعاسى ايدىن راحىمباەۆ:
– ونىڭ ٷستٸنە ەكٸنشٸ دەڭگەيلٸ بانكتەردە ونداي كٶپ اقشا جوق. سوندىقتان باعدارلاما اياسىندا جەڭٸلدٸكتەر قاراستىرىلعانىمەن, ونى ٷيسٸزدەردٸڭ بارلىعى پايدالانىپ قالا المايدى. دەگەنمەن, تۇرعىن ٷي نارىعىنا جاڭا قارقىن بەرەرٸ سٶزسٸز. بٸراق, مۇنىمەن مەسەلە شەشٸلمەيدٸ, – دەپ ٶز ويىن ورتاعا سالدى. دەسە دە, باعدارلامانى ٸسكە اسىرۋدى قولعا العان ۇلتتىق ەكونوميكا مينيسترٸنٸڭ بايانداماسى وپتيميزمگە تولى. ايتۋىنشا, «نۇرلى جەر» بويىنشا الداعى 15 جىلدا 250 مىڭعا جۋىق باسپانا سالىنباقشى. ول ٷشٸن بيۋدجەتتەن 2 تريلليون تەڭگەگە جۋىق قىرۋار قارجى بٶلٸنەدٸ.
باسپانا سالۋعا بٶلٸنەتٸن قارجى ارتپاسا كەمٸمەيدٸ. ياعني, سوڭعى كەزدەرٸ قارقىندى ٶسٸپ كەلە جاتقان مۇناي باعاسى بيۋدجەتكە تٷسٸمدٸ ارتتىرىپ وتىر. ەگەر كەلەر جىلى دا, قارا التىن باعاسى شارىقتايتىن بولسا, «نۇرلى جەرگە» بٶلٸنەتٸن اقشا قايتا قارالىپ, باعدارلاماعا ٶزگەرٸستەر ەنۋٸ مٷمكٸن.
دەرەككٶزٸ: ktk.kz
