قازاقستان ٷكٸمەتٸ ەلەۋمەتتٸك جەلٸلەردەگٸ ۇتىس ويىندارىنا قاتىستى ٶز ۇستانىمىن بٸلدٸردٸ, دەپ حابارلايدى Dalanews.kz.
“حالىق پەن بلوگوسفەرا ٶكٸلدەرٸن زاڭنامانى ساقتاۋدىڭ ماڭىزدىلىعى جٶنٸندە حاباردار ەتۋ ماقساتىندا تسيفرلىق ورتادا قۇقىق بۇزۋشىلىقتاردىڭ الدىن الۋ بويىنشا اقپاراتتىق-تٷسٸندٸرۋ جۇمىستارى جٷرگٸزٸلۋدە. بۇل ٸس-شارالار «زاڭ جەنە تەرتٸپ» مەديا-جوسپارى اياسىندا جٷزەگە اسىرىلىپ, ازاماتتاردىڭ قۇقىقتىق ساۋاتتىلىعىن ارتتىرۋعا جەنە زاڭ بۇزۋشىلىقتاردىڭ الدىن الۋعا باعىتتالعان (زاڭسىز لوتەرەيالار, جالعان ترەنينگتەر مەن كٷمەندٸ اكتسييالاردىڭ الدىن الۋ)”, — دەدٸ مەجٸلٸس دەپۋتاتتارىنىڭ سۇراعىنا جاۋاپ بەرگەن پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين.
ونىڭ ايتۋىنشا, مەدەنيەت جەنە اقپارات مينيسترلٸگٸ Instagram, TikTok, Meta سىندى ەلەۋمەتتٸك جەلٸلەرمەن تىعىز جۇمىس جٷرگٸزٸپ, اقپاراتتىق كەڭٸستٸكتٸڭ اشىقتىعىن قامتاماسىز ەتۋ جەنە الاياقتىق سحەمالاردىڭ جولىن كەسۋ بويىنشا شارالار قابىلداۋدا.
"تسيفرلىق ورتاداعى زاڭ تالاپتارى مەن زاڭسىز ەرەكەتتەردٸڭ سالدارى تۋرالى اقپاراتتىق ماتەريالدار تاراتىلىپ جاتىر. ينتەرنەت كەڭٸستٸگٸن تەۋلٸك بويى باقىلاۋ جٷرگٸزٸلٸپ, قۇقىق بۇزۋشىلىقتاردى انىقتاۋ جەنە جەدەل ەرەكەت ەتۋ شارالارى قولعا الىنعان. 2025 جىلدىڭ باسىنان بەرٸ مونيتورينگ بارىسىندا ينتەرنەت-الاياقتىقتىڭ 1870 فاكتٸسٸ انىقتالدى, ونىڭ 389-ى ەلەۋمەتتٸك جەلٸلەردە ورىن العان. 1480 ينتەرنەت-رەسۋرس پەن سٸلتەمەگە قولجەتٸمدٸلٸك شەكتەلدٸ. ينتەرنەت-كازينو قىزمەتٸنە قاتىستى 8616 زاڭبۇزۋشىلىق انىقتالىپ, ونىڭ 6399-ى ەلەۋمەتتٸك جەلٸلەردە تٸركەلگەن, 2195 ينتەرنەت-رەسۋرس پەن سٸلتەمە بۇعاتتالعان", — دەپ تولىقتىردى مينيستر.
ينفليۋەنسەرلەر تابىسىن كەسٸپكەرلٸك قىزمەتكە جاتقىزۋ كريتەرييلەرٸن ەزٸرلەۋ مەسەلەسٸنە توقتالعان جۇمانعارين زاڭ بويىنشا ينفليۋەنسەر (بلوگەر) – بۇل ونلاين-پلاتفورمادا بەلگٸسٸز تۇلعالار توبىنا ارنالعان اقپارات جارييالايتىن جەنە ونى كەسٸپكەرلٸك ماقساتتا جٷزەگە اسىراتىن پايدالانۋشى ەكەنٸن ايتتى.
"قولدانىستاعى زاڭنامادا ينفليۋەنسەرلەردٸڭ كەسٸپكەرلٸك قىزمەتٸ رەتتەلگەن جەنە تسيفرلىق ورتادا زاڭسىز لوتەرەيالار مەن ٶزگە دە قۇقىق بۇزۋشىلىقتار ٷشٸن جاۋاپكەرشٸلٸك بەلگٸلەنگەن", — دەپ اتاپ ٶتتٸ ۆيتسە-پرەمەر. ونىڭ ايتۋىنشا, لوتەرەيانى لوتەرەيا وپەراتورى بولىپ تابىلمايتىن ادامنىڭ ٶتكٸزۋٸنە تىيىم سالىنعان.
قازاقستاندا رەسمي لوتەرەيا وپەراتورى رەتٸندە 15 جىلعا ليتسەنزييا بەرٸلگەن "سەتتٸ جۇلدىز" اكتسيونەرلٸك قوعامى بەكٸتٸلگەن.
"2024 جىلدىڭ 1 قاڭتارىنان 2025 جىلدىڭ 20 ناۋرىزىنا دەيٸن «لوتەرەيالار جەنە لوتەرەيا قىزمەتٸ تۋرالى» زاڭ نورمالارىن بۇزۋدىڭ 169 فاكتٸسٸ انىقتالىپ, 19 نۇسقاما بەرٸلدٸ. تۋريزم جەنە سپورت مينيسترلٸگٸنٸڭ ويىن بيزنەسٸ مەن لوتەرەيا قىزمەتٸن رەتتەۋ كوميتەتٸ ەكٸمشٸلٸك قۇقىق بۇزۋشىلىق تۋرالى كودەكستٸڭ 445-1-بابىنا سەيكەس زاڭسىز لوتەرەيا ۇيىمداستىرعانداردى جاۋاپكەرشٸلٸككە تارتادى. زاڭبۇزۋشىلارعا 100-دەن 2000 ايلىق ەسەپتٸك كٶرسەتكٸشكە دەيٸنگٸ كٶلەمدە ايىپپۇل سالىنىپ, زاڭسىز جولمەن الىنعان تابىسى تەركٸلەنەدٸ. 2024 جىلدىڭ اقپان ايىنان باستاپ كوميتەتتٸڭ قارجىلىق مونيتورينگ اگەنتتٸگٸنٸڭ قولداۋىمەن جٷرگٸزگەن جۇمىسى نەتيجەسٸندە 113 ادام ەكٸمشٸلٸك جاۋاپكەرشٸلٸككە تارتىلىپ, جالپى سوماسى 50 ملن تەڭگەدەن استام ايىپپۇل سالىندى. بۇل باعىتتاعى جۇمىستار ٷكٸمەتتٸڭ باقىلاۋىندا", — دەپ تٷيٸندەدٸ جۇمانعارين.
