پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين باسپانانى تابيعي اپاتتاردان مٸندەتتٸ ساقتاندىرۋ تەتٸگٸن ەنگٸزۋ يدەياسىنان ٷكٸمەت نەگە باس تارتقانىنا قاتىستى تٷسٸنٸكتەمە بەردٸ, دەپ جازادى Dalanews.kz.
ۇەم باسشىسى ەر وتباسى مۇنداي شەشٸمدٸ ٶز بەتٸنشە قابىلداۋى كەرەك دەپ سانايدى.
"مٸندەتتٸ دەيسٸزدەر مە, وندا بۇل وتباسى بيۋدجەتٸنە تٷسەتٸن تۇراقتى جٷكتەمەنٸ بٸلدٸرەدٸ, ەر ادام بۇل جاعدايدا باسپاناسىن اتالعان قاۋٸپ-قاتەردەن ساقتاندىرۋ-ساقتاندىرماۋ جايىن ٶزٸ شەشۋٸ كەرەك....بٸز باسقا جولدى تاڭدادىق. بۇعان جول بەرمەۋ ٷشٸن (مەملەكەت سۋ تاسقىنى سالدارىنان تۋىندايتىن شىعىندى جاپپاس ٷشٸن) بٷتٸن بٸر باعدارلاما قابىلداندى, بٷگٸن دەپۋتاتتار ونى تالقىلاپ جاتىر. بيۋدجەت كودەكسٸنە تٷزەتۋلەر ەنگٸزٸلدٸ – سۋ قويمالارىن, كانالداردى, بٶگەتتەردٸ سالۋ تۋراسىندا. بۇل الداعى جىلدارى سۋ باسۋ قاۋپٸ مٷلدەم بولماس ٷشٸن جاسالادى. ادامداردى تابيعي قاتەردەن قورعاۋ كەرەك, باس سالىپ ساقتاندىرۋعا مەجبٷرلەمەي. ەڭ دۇرىسى, وسى بولۋى كەرەك", – دەيدٸ جۇمانعارين.
بۇعان دەيٸن سەنات بيۋدجەت كودەكسٸنٸڭ جوباسىن مەجٸلٸسكە كەرٸ قايتارعانىن جازعان ەدٸك. قۇجاتقا سەناتورلار بٸرقاتار ٶزگەرٸستەر مەن تٷزەتۋلەر دە ەنگٸزدٸ. سونىڭ بٸرٸ سۋ تاسقىنىن بولدىرماۋ شارالارى بولىپ تابىلادى.
