2026 جىلدىڭ 1 اقپانىنا دەيٸن كەمەلەتكە تولماعان بالالاردىڭ ەسەپشوتتارىنا "ۇلتتىق قور – بالالارعا" باعدارلاماسى بويىنشا ٷشٸنشٸ تٶلەم اۋدارىلادى. بۇل تۋرالى بٸرىڭعاي جيناقتاۋشى زەينەتاقى قورى مەلٸمدەدٸ, دەپ حابارلايدى Dalanews.kz.
"اتالعان تٶلەمدٸ 2025 جىلدىڭ 31 جەلتوقسانىنا دەيٸن 18 جاسقا تولماعان قازاقستان رەسپۋبليكاسىنىڭ بارلىق ازاماتى الادى. سونىمەن قاتار 2008 جىلى تۋعان جەنە 2026 جىلى 18 جاسقا تولاتىن بالالارعا ارنالعان ماقساتتى جيناقتار دا 1 اقپانعا دەيٸن ولاردىڭ ارنايى جيناق شوتتارىنا اۋدارىلادى", - دەدٸ بجزق.
تٶلەمنٸڭ ناقتى سوماسى ەزٸرگە انىقتالماعان. بجزق مەلٸمەتٸنشە, بٸر بالاعا 2026 جىلعا ەسەپتەلەتٸن تٶلەم مٶلشەرٸ قازاقستانداعى كەمەلەتكە تولماعان بالالار سانى مەن ۇلتتىق بانك بەرگەن مەلٸمەتتەرگە سٷيەنە وتىرىپ, ۇلتتىق قوردان بالالارعا ەسەپتەلەتٸن جالپى قاراجات كٶلەمٸنەن ەسەپتەلەدٸ.
مىسالى, 2024 جىلى بالالارعا تٶلەم 100,52 دوللار, ال 2025 جىلى 129,38 دوللار كٶلەمٸندە اۋدارىلعان. جىل سايىنعى تٶلەم مٶلشەرٸ تٸكەلەي ۇلتتىق قوردىڭ ۆاليۋتالىق اكتيۆتەرٸ مەن ينۆەستيتسييالىق كٸرٸسٸنە بايلانىستى. تٶلەمدەر قوردىڭ ۇزاق مەرزٸمدٸ ينۆەستيتسييالىق كٸرٸسٸنٸڭ جارتىسىنان فورمالانادى.
اۋدارىلعان قاراجاتتى تەك بٸلٸم الۋ جەنە 18 جاسقا تولعاننان كەيٸن تۇرعىن ٷي جاعدايىن جاقسارتۋ ماقساتىندا پايدالانۋعا بولادى. ەرتە الۋ نەمەسە قاراجاتتى باسقا ماقساتقا جۇمساۋ مٷمكٸن ەمەس.
سونداي-اق 2024 جىلدىڭ 1 اقپانىنان 2025 جىلدىڭ 1 جەلتوقسانىنا دەيٸن بجزق 188 مىڭنان استام ٶتٸنٸشتٸ ورىنداپ, جالپى 28,25 ملن دوللار سوماسىن بالالاردىڭ ەسەپشوتتارىنا اۋدارعان. ونىڭ ٸشٸندە 17,6 ملن دوللار تۇرعىن ٷي جاعدايىن جاقسارتۋعا, ال 10,65 ملن دوللار وقۋ اقىسىن تٶلەۋگە باعىتتالعان.
