ونداعى كاسىپكەرلىك جانە اۋىل شارۋاشىلىق سالاسىنداعى نىسانداردى ارالاپ، اتقارىلىپ جاتقان جۇمىستارمەن تانىستى. بۇل تۋرالى تۇركىستان وبلىسى اكىمىنىڭ باسپا ءسوز قىزمەتى حابارلايدى.
ايماق باسشىسى الدىمەن قۇركەلەس اۋىلدىق وكرۋگىندە ورنالاسقان «Caspian food» جشس-نە ايالدادى. 2013 جىلى ىسكە قوسىلعان سەرىكتەستىك ءجۇزىم شارابىن وندىرۋمەن اينالىسادى.
جىلىنا 154 مىڭ دانا بوتەلكە شىعارۋعا قاۋقارلى زاۋىتتا 223 ادام تۇراقتى جۇمىسپەن قامتىلعان. مەكەمەنىڭ جۇمىسىمەن تانىسىپ شىققان وبلىس اكىمى وتاندىق شاراپ ءوندىرىسى سالاسىندا وزىندىك ۇلەسى بار كاسىپورىننىڭ ونىمدەرى بولاشاقتا ەلىمىزدىڭ اتىن شىعاراتىن برەندكە اينالدىرۋ كەرەكتىگىنە توقتالدى.
«600 گەكتار اۋماقتا ءجۇزىمدى باپتاپ، ودان شاراپ ءوندىرىپ وتىرعان زاۋىت 2017 جىلى 235 ملن. تەڭگە تابىس تاپقان. بۇل كاسىپورىننىڭ تاۋارىنا دەگەن سۇرانىستىڭ جوعارى ەكەندىگىن بىلدىرەدى.
قازىرگى تاڭدا دايىن ءونىم ەلىمىزدىڭ بارلىق قالالارىنا جونەلتىلۋدە. ەندى الىس - جاقىن شەتەلدەرگە ەكسپورتتاۋدى قولعا الۋ كەرەك. مۇنداي شارۋانى ىسكە اسىرۋعا كەلگەندە اۋداننىڭ مۇمكىندىگى مول.
ماسەلەن، سارىاعاشتىڭ شيپالى سۋىن ءىشىپ، ەم قابىلداۋعا شەتەلدىك تۋريستەر كوپتەپ كەلەدى. وسىنىڭ ءوزى ناسيحات شارالارىن جۇرگىزۋگە تاپتىرماس مۇمكىندىك. مۇنداي الەۋەت باسقا وڭىرلەردە جوق»
- دەدى جانسەيىت قانسەيىت ۇلى.
سونداي-اق، وبلىس اكىمى دارحان ەلدىمەكەنىندەگى «شاديار» شارۋاقوجالىعىنىڭ جۇمىسىمەن تانىستى. 2010 جىلى قۇرىلعان «شاديار» شارۋاقوجالىعى جالپى 1،67 گەكتار اۋماقتا قىرىققابات وسىرۋمەن اينالىسادى. اتالعان قوجالىق جىلىنا 90 توننا ءونىم شىعارۋعا قاۋقارلى.
.
