Ondaǵy kásipkerlik jáne aýyl sharýashylyq salasyndaǵy nysandardy aralap, atqarylyp jatqan jumystarmen tanysty. Bul týraly Túrkistan oblysy ákiminiń baspasóz qyzmeti habarlaidy.
Aimaq basshysy aldymen Qurkeles aýyldyq okrýginde ornalasqan «Caspian food» JShS-ne aialdady. 2013 jyly iske qosylǵan seriktestik júzim sharabyn óndirýmen ainalysady.
Jylyna 154 myń dana bótelke shyǵarýǵa qaýqarly zaýytta 223 adam turaqty jumyspen qamtylǵan. Mekemeniń jumysymen tanysyp shyqqan oblys ákimi otandyq sharap óndirisi salasynda ózindik úlesi bar kásiporynnyń ónimderi bolashaqta elimizdiń atyn shyǵaratyn brendke ainaldyrý kerektigine toqtaldy.
«600 gektar aýmaqta júzimdi baptap, odan sharap óndirip otyrǵan zaýyt 2017 jyly 235 mln. teńge tabys tapqan. Bul kásiporynnyń taýaryna degen suranystyń joǵary ekendigin bildiredi.
Qazirgi tańda daiyn ónim elimizdiń barlyq qalalaryna jóneltilýde. Endi alys - jaqyn shetelderge eksporttaýdy qolǵa alý kerek. Mundai sharýany iske asyrýǵa kelgende aýdannyń múmkindigi mol.
Máselen, Saryaǵashtyń shipaly sýyn iship, em qabyldaýǵa sheteldik týrister kóptep keledi. Osynyń ózi nasihat sharalaryn júrgizýge taptyrmas múmkindik. Mundai áleýet basqa óńirlerde joq»
- dedi Janseiit Qanseiituly.
Sondai-aq, oblys ákimi Darhan eldimekenindegi «Shadiiar» sharýaqojalyǵynyń jumysymen tanysty. 2010 jyly qurylǵan «Shadiiar» sharýaqojalyǵy jalpy 1,67 gektar aýmaqta qyryqqabat ósirýmen ainalysady. Atalǵan qojalyq jylyna 90 tonna ónim shyǵarýǵa qaýqarly.
.
