اتىشۋلى ۇسەنوۆ تۇرمەدەن مەرزىمىنەن بۇرىن راقىمشىلىققا ءىلىنىپ، بوساپ شىقتى. بۇل قاي ۇسەنوۆ دەيسىز عوي. وتقا سالسا جانبايتىن، سۋعا سالسا باتپايتىن ۇسەنوۆ. سىبايلاس جەمقورلىقپەن اينالىستى دەگەن ايىپپەن سوتتالعان "استانا ەكسپو-2017" قۇرىلىس دەپارتامەنتىنىڭ بۇرىنعى باسشىسى قاجىمۇرات ۇسەنوۆ تۋرالى نە ايتۋعا بولادى ءوزى. ءبىزدىڭ زاڭ ۇسەنوۆتەر ءۇشىن جۇمىس ىستەيدى.
ۇسەنوۆتى ەلگە تانىتقان ونىڭ ۇلى ماقسات ۇسەنوۆ بولاتىن. قىمبات كولىگىمەن ادام قاعىپ ءولتىرىپ، جازادان ەرتە قۇتىلعان كەتكەن بولاتىن. مۇنداي سەنساسيالىق وقيعا تەك ءبىزدىڭ ەلدە عانا بولادى دەپ بۇكىل اقپارات قۇرالدارى شۋلاعان ەدى سول كەزدە.
سويتسەك، جازادان ەرتە قۇتىلۋ ۇسەنوۆتەردىڭ كانىگى ءىسى ەكەن. مىنە، اكەسى دە ميلليونداعان قارجى (از ەمەس، 200 ميلليون تەڭگە) جىمقىرعانىنا قاراماي، "اسا ىجداعاتتى ءتارتىبى" ءۇشىن تۇرمەدەن ەرتە شىقتى... ەستۋىمىزشە، تەرگەۋ جانە سوت كەزىندە "ءوزىنىڭ كىناسىن ەلدەن بۇرىن مويىنداپ، تەرگەۋ جۇمىسىنا ايرىقشا كومەكتەسكەن". ەندى سول "ەڭبەگى" ءۇشىن "قۇرمەتكە" بولەنىپ وتىر. نە دەيمىز، بۇل ءبىزدىڭ قازاقستان! راقىمشىلىققا مەيلىنشە بەرىلگىش زاڭىمىزدىڭ ارقاسىندا ولار تۇرمەدەن ەرتە بوسايدى. ايتپاقشى، وسى ۇسەنوۆ ءوزى تۇرمەدە وتىردى ما، الدە جاي عانا تۇرمەدەگىلەردىڭ تىزىمىندە تۇردى ما؟.. نەگىزى، تۇرمە ۇسەنوۆتەر ءۇشىن سالىنباعان. ول جەردە "شىن قىلمىسكەرلەر" عانا وتىرادى.
مۇنىمەن قوسا، كەزىندە جەمقورلىقپەن ۇستالعان اۋىلشارۋاشىلىعى ۆيسە-مينيسترى ءمۇسلىم ومىريايەۆ تە راقىمشىلىققا ىلىگىپتى. بۇل شەندى دە تۇتقىندىلعاندا ءوزىنىڭ كىناسىن مويىنداماعان بولاتىن. كەيىن "جازدىم، جاڭىلدىم" دەگەن. سول كەزدەگى اۋىلشارۋاشىلىق مينيستر اسىلجان مامىتبەكوۆ "ەگەر ونىڭ پارا العانى دالەلدەنسە، ءوز ەركىممەن جۇمىستان كەتەمىن" دەپ ۋادە بەرىپ، كەيىن سوزىنەن تايقىپ شىققانى ەستە قالىپتى.
