بۇگىن تۇركىستان وبلىسى ورتالىعىندا مەملەكەتتىك شىعارماشىلىق تاپسىرىس باعدارلاماسى اياسىندا جەكە كاسىپكەرلەر تاراپىنان ۇيىمداستىرىلعان ۇيىرمەلەر اراسىنداعى «TurkiSTAR» بالالار مەن جاسوسپىرىمدەرگە ارنالعان وبلىستىق ونەر فەستيۆالى ءوتتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
بۇعان دەيىن، ءان، بي جانە اسپاپتا ويناۋ جانرلارى بويىنشا وتكەن بايقاۋ بۇگىن اكتەرلىك شەبەرلىك، كوركەم ءسوز وقۋ جانە قىلقالام، قولونەر شەبەرلەرى مەن كيىم ديزاينى جانرلارى بويىنشا جالعاسىن تاپتى.
اتالمىش جانر بويىنشا 125-تەن استام ۇمىتكەر ءوز باقتارىن سىنادى. جۇزدەن جۇيرىك دەپ تانىلعان تالانتتار جۇلدەلى ورىندى قانجىعالارىنا بايلادى.
قازىلار القاسىنىڭ شەشىمىمەن كوركەم ءسوز وقۋ جانرى بويىنشا جۇلدەلى l ورىن ورداباسى اۋدانىنان قاتىسقان توعاي باقبەرگەنگە بۇيىردى. ال اكتەرلىك شەبەرلىك بويىنشا تۇركىستان قالاسى، «اكا» شىعارماشىلىق ورتالىعى ۇزدىك دەپ تانىلىپ، جۇلدەلى I ورىندى يەلەندى. قىلقالام، قولونەر شەبەرلەرى مەن كيىم ديزاينى جانرلارى بويىنشا ماقتاارال اۋدانىنان ەستورە راۋان، كەلەس اۋدانىنان جولداسبەك ايتجان جانە قازىعۇرت اۋدانىنان دايىربەك اسىلايىم جۇلدەلى I ورىندى يەلەندى. بۇدان بولەك جوعارى دەڭگەيدە ونەرىن كورسەتكەن بۇلدىرشىندەرگە II، III ورىندار جانە ارنايى جۇلدەلەر تابىستالدى.
ايتا كەتەيىك، بايقاۋدىڭ ماقساتى دارىندى بالالارعا قولداۋ كورسەتۋگە، وسكەلەڭ ورەندەرىمىزدىڭ شەبەرلىگىن شىڭداپ، ونەرگە ىنتالاندىرۋعا باعىتتالعان.
