Búgin Túrkistan oblysy ortalyǵynda Memlekettik shyǵarmashylyq tapsyrys baǵdarlamasy aiasynda jeke kásipkerler tarapynan uiymdastyrylǵan úiirmeler arasyndaǵy «TurkiSTAR» balalar men jasóspirimderge arnalǵan oblystyq óner festivali ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Buǵan deiin, án, bi jáne aspapta oinaý janrlary boiynsha ótken baiqaý búgin akterlik sheberlik, kórkem sóz oqý jáne qylqalam, qolóner sheberleri men kiim dizainy janrlary boiynsha jalǵasyn tapty.
Atalmysh janr boiynsha 125-ten astam úmitker óz baqtaryn synady. Júzden júirik dep tanylǵan talanttar júldeli oryndy qanjyǵalaryna bailady.
Qazylar alqasynyń sheshimimen kórkem sóz oqý janry boiynsha júldeli l oryn Ordabasy aýdanynan qatysqan Toǵai Baqbergenge buiyrdy. Al akterlik sheberlik boiynsha Túrkistan qalasy, «AKA» shyǵarmashylyq ortalyǵy úzdik dep tanylyp, júldeli I oryndy ielendi. Qylqalam, qolóner sheberleri men kiim dizainy janrlary boiynsha Maqtaaral aýdanynan Estóre Raýan, Keles aýdanynan Joldasbek Aitjan jáne Qazyǵurt aýdanynan Daiyrbek Asylaiym júldeli I oryndy ielendi. Budan bólek joǵary deńgeide ónerin kórsetken búldirshinderge II, III oryndar jáne arnaiy júldeler tabystaldy.
Aita keteiik, baiqaýdyń maqsaty daryndy balalarǵa qoldaý kórsetýge, óskeleń órenderimizdiń sheberligin shyńdap, ónerge yntalandyrýǵa baǵyttalǵan.
