ونىڭ ايتۋىنشا، قورىق-مۋزەيىنىڭ تىزىمىنە ساۋلەتتىك، ارحەولوگيالىق، ءدىني-رۋحاني جانە مونۋمەنتتى تۇرلەرگە جاتاتىن 207 ەسكەرتكىش الىنعان. ونىڭ 1-ەۋى حالىقارالىق، 16-سى رەسپۋبليكالىق، 14ء-ى جەرگىلىكتى ماڭىزى بار نىسانداردىڭ ساناتىنا كىرەدى.
– تۋريستەردىڭ ەرەكشە قىزىعۋشىلىعىن وياتاتىن تاريحي نىساندار، قوجا احمەت ياساۋي، ۇكاشا اتا، گاۋحار انا كەسەنەلەرى جانە ساۋران قالاشىعى. جىلدان جىلعا تاريحي-مادەنيەتىمىزبەن تانىسۋ ءۇشىن ارنايى كەلەتىن قوناقتاردىڭ سانى ارتىپ كەلەدى. سايكەسىنشە ولارعا كورسەتىلەتىن اقىلى قىزمەت اياسىندا تۇسەتىن قارجىلاي تابىستىڭ دا كولەمى ۇلعايۋدا. جالپى اقىلى قىزمەتتەن تۇسكەن قاراجات مۋزەيدىڭ ماتەريالدىق-تەحنيكالىق بازاسىن نىعايتۋعا، كۇزەت، بايلانىس، ەلەكتر ەنەرگياسى، ينكاسساسيا، پوليگرافيالىق شىعىندارىن، ترانسپورتتىق جانە قورىق-مۋزەي قىزمەتكەرلەرىنىڭ جالاقىسىن تولەۋگە جۇمسالادى، – دەدى عاني يسكاكوۆ.
قورىق-مۋزەيىنە كەلەتىن تۋريستەردىڭ قاتارىن ارتتىرا ءتۇسۋ ءۇشىن ءبىرقاتار شارالار جۇزەگە اسۋدا. اتاپ ايتقاندا، تاريحي-مادەني ەسكەتكىشتەرگە «شتريح-كودتار» ورناتىلدى. وسى «شتريح-كود» ارقىلى سمارتفوننىڭ كومەگىمەن تۋريستەر تاريحي نىسان تۋرالى قاجەتتى ماعلۇماتتى قازاق، ورىس جانە اعىلشىن تىلدەرىندە الا الاتىن بولادى.
سونداي-اق، «ازىرەت سۇلتان» مەملەكەتتىك تاريحي-مادەني قورىق مۋزەيى قۇرامىنا كىرەتىن ەسكەرتكىشتەردىڭ 3D-تۋر ۆيرتۋالدى جوباسى دا پايداعا جاراپ تۇر. ياعني، الەمنىڭ كەز-كەلگەن جەرىنەن ينتەرنەت جۇيەسى ارقىلى قورىق-مۋزەيىنىڭ جادىگەرلەرى جايلى تولىقتاي اقپارات الىپ، ءىشىن ارالاپ كورۋگە مۇمكىندىك تۋدى.
ال، «قوجا احمەت ياساۋي قورىق-مۋزەيىندە جەرلەنگەن حاندار، سۇلتاندار، باتىرلار جانە بيلەردىڭ ءتىزىمى ەلەكتروندى فورماتتا ازىرلەنگەن. بۇعان دەيىن اتالعان ءتىزىم جاي عانا تاقتايشاعا جازىلىپ كەلگەن. قازىرگى تاڭدا قورىق-مۋزەيدىڭ جۇمىس ىستەۋ كەستەسى، وتكىزىلەتىن ءىس-شارالار تۋرالى اقپارات كەلۋشىلەرگە عيماراتتىڭ قاسبەتىندە ورنالاسقان «Led» ەكران ارقىلى ۇسىنىلىپ وتىرادى.
ايتا كەتەيىك، زاماناۋي تەحنولوگيالاردى پايدالانا وتىرىپ، قوناقتارعا كورسەتىلەتىن قىزمەتتەر ساپاسىن جاقسارتۋ جۇمىستارى ەلباسىمىزدىڭ «بولاشاققا باعدار: رۋحاني جاڭعىرۋ» ماقالاسى اياسىندا ىسكە اسىرىلۋدا.
وقو اكىمىنىڭ باسپا ءسوز قىزمەتى
