تٷركٸستاندىق سپورتشىلار 13-19 تامىز كٷندەرٸ قىتايدىڭ ۋسي قالاسىندا تاەكۆوندودان جاسٶسپٸرٸمدەر اراسىندا (WT) ٶتكەن «Grand slam-2024» حالىقارالىق تۋرنيرٸنەن جٷلدەلٸ ورالدى, دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
العاش رەت ۇيىمداستىرىلعان حالىقارالىق سايىستا نەلٸباي جانشۋاق 2-ورىنعا (45-61 كەلٸ سالماقتا), اكراموۆا شاحريزود 3-ورىنعا (33-45 كەلٸ سالماقتا) يە بولدى. جاتتىقتىرۋشىلارى – تۇراروۆ ابزال مەن تۇرلىبەك جانداربەك.
«سپورتقا كەلگەندە تاەكۆوندونى ٶزٸم تاڭدادىم. 10 جاسىمنان باستاپ وسى سپورت تٷرٸمەن شۇعىلدانىپ كەلەمٸن. ٶزٸمە قاتتى ۇنايدى. بولاشاقتا وليمپيادا چەمپيونى بولعىم كەلەدٸ. سول ٷشٸن دە ايانباي تەر تٶگۋگە دايىنمىن» – دەدٸ تٷركٸستاندىق جاس سپورتشى جانشۋاق نەلٸباي.
سونداي-اق ول سپورتتاعى ەر جەتٸستٸگٸنە قولداۋ بٸلدٸرەتٸن اتا-اناسى مەن جاتتىقتىرۋشىسىنا العىسىن جەتكٸزدٸ.
ايتا كەتەيٸك, اتالعان حالىقارالىق سپورت سايىسىنا ەلٸمٸزدەن 34 سپورتشى قاتىسقان بولاتىن. 20-دان اسا مەملەكەت قاتىسقان تۋرنيردە قازاقستان قۇراماسى كوماندالىق ەسەپتە 1-ورىندى يەلەنٸپ, 7 التىن, 3 كٷمٸس, 6 قولا مەدالدٸ قانجىعاعا بايلادى.
