تۇركىستان وبلىسىنىڭ توتەنشە جاعدايلار دەپارتامەنتىنىڭ قۇتقارۋشىلار توبى ەلىمىزدىڭ سولتۇستىك وڭىرلەرىنە كومەكتەسۋ ءۇشىن جولعا شىققان بولاتىن. اتاپ ايتساق، تۇركىستان وڭىرىنەن 54 قۇتقارۋشى، 14 تەحنيكا جىبەرىلدى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
تۇركىستاندىق قۇتقارۋشىلار وزدەرىمەن بىرگە الا شىققان 15 موتوپومپا، 2 قايىق، 16 ءپورتاتيۆتى راديوستانسيا، 2 سپۋتنيكتىك تەلەفون، 5 شاتىر، 50 توسەك اۆتونومدى جۇمىس ىستەۋگە تولىق دايىن. ولار سۋ تاسقىنىنان زارداپ شەككەن وڭىرلەرگە كومەك قولىن سوزدى.
بۇگىن قۇتقارۋشىلار سولتۇستىك قازاقستان وبلىسىنا بارىپ، قارعىن سۋدىڭ الدىن الۋ جۇمىستارىنا كىرىسىپ كەتتى.
كاسىبي مامانداردان قۇرالعان توپ تاسقىن ءقاۋپى جوعارى عابيت مۇسىرەپوۆ، ايىرتاۋ، تايىنشا جانە تيميريازيەۆ اۋداندارىندا جۇمىس جۇرگىزەدى دەپ جوسپارلانعان. قازىرگى تاڭدا قۇتقارۋشىلار سۋ تاقىنىنىڭ الدىن الۋ جانە باقىلاۋ جۇمىستارىن اتقارىپ جاتىر.
ايتا كەتەيىك، بۇعان دەيىن تۇركىستان وڭىرىنەن اقتوبە وبلىسىنا گۋمانيتارلىق كومەك جانە ەرىكتىلەر توبى جىبەرىلگەن بولاتىن.
