سوڭعى جىلدارى ەلٸمٸزدە تٷرلٸ جاعدايدا گاز بەن تٷتٸننەن ۋلانۋ وقيعاسى جيٸلەگەن. وسىنداي جاعدايعا جول بەرمەۋ ماقساتىندا لەنگٸر قالاسىنداعى №1 مەكتەپ-گيمنازييانىڭ 7-سىنىپ وقۋشىلارى ەرسات ەنۋار مەن ەلعاني سەرالى ينفورماتيكا پەنٸنٸڭ مۇعالٸمٸ, پەداگوگ-ساراپشى سالتانات ۇياتباەۆانىڭ جەتەكشٸلٸگٸمەن گاز بەن تٷتٸننەن ۋلانۋدان ساقتاندىراتىن قۇرىلعى ويلاپ تاپتىپ, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
– قازٸرگٸ كەز – تسيفرلى تەحنولوگييا زامانى. اتالمىش تەحنولوگييا مٷمكٸندٸكتەرٸن ادام يگٸلٸگٸنە پايدالانا وتىرىپ, گاز بەن تٷتٸننەن ۋلانۋ وقيعالارىن بولدىرماۋ كەرەك. وسى ماقساتتا بٸز گازدان, تٷتٸننەن ۋلانۋدان ساقتاندىراتىن قۇرىلعى جاسادىق.
بالالار ٷيدە جالعىز قالعان جاعدايدا گازدان اقاۋ نەمەسە تٷتٸن شىقسا, قۇرىلعى دابىل قاعادى. كەيٸن اتا-انانىڭ موبيلدٸ تەلەفونىنا قاۋٸپتٸ ەسكەرتەتٸن سمس حابارلاما جولدانادى. وسىلايشا, قايعىلى جاعدايدىڭ الدىن الۋعا بولادى, – دەيدٸ ەرسات پەن ەلعاني.
ەلگٸندەي قاۋٸپتٸڭ الدىن الاتىن جاڭا قۇرىلعىعا تٶتەنشە جاعداي ماماندارى دا قىزىعۋشىلىق تانىتقان. ولار «بۇل قۇرىلعىنى گازدىڭ سىرتقا كەتۋٸن انىقتاۋدا, ٶرت سٶندٸرۋ جٷيەلەرٸندە, ياعني ادامدار قاۋٸپسٸزدٸگٸن قامتاماسىز ەتۋدە پايدالانعان تيٸمدٸ» دەگەن پٸكٸردە.
جاس ٶنەرتاپقىشتاردىڭ «گاز بەن تٷتٸننەن ۋلانۋدان ساقتاندىراتىن قۇرىلعى» جوباسى وقۋشىلاردىڭ زەرتتەۋ جوبالارى مەن شىعارماشىلىق جۇمىستارىنا ارنالعان رەسپۋبليكالىق «زەردە» كونكۋرسىنىڭ وبلىستىق كەزەڭٸندە روبوتوتەحنيكا سەكتسيياسى بويىنشا ٸ ورىندى جەڭٸپ الىپ, رەسپۋبليكالىق كەزەڭگە جولداما بەرٸلگەن.
