تۇركىستان ءبىلىم-يننوۆاسيا ليسەيىنىڭ وقۋشىسى ابدۋراحمانوۆ يسلام الەمنىڭ 40 ۋنيۆەرسيتەتىنە گرانت جەڭىپ الدى. ول ءباا، اقش، انگليا، پولشا، مالايزيا، شۆەيساريا مەملەكەتتەرىندەگى قالاعان جوعارى وقۋ ورنىنىڭ ستۋدەنتى اتانا الادى، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
يسلام 7ء-شى سىنىپتان باستاپ ءتۇرلى ءبىلىم سايىستارىندا جەتىستىكتەرگە قول جەتكىزدى. ينتەللەكتۋالدى جارىستاردى نەگىزگە الىپ، ولاردىڭ ىشىندە شاحماتپەن ەرەكشە اينالىستى. سونىڭ اياسىندا قالالىق جانە وبلىستىق دەڭگەيدە وتكەن ءتۇرلى جارىستاردا التىن مەن قولاعا قول جەتكىزدى.
«8ء-شى سىنىپتا ايتي سالاسىنا قىزىعۋشىلىعىمدى وياتىپ، جاڭا باعىتقا قادام باستىم. بۇل سالادا رەسپۋبليكالىق دەڭگەيدە وتكەن «Hackathon» اتتى جارىستان التىنعا قول جەتكىزدىم، وسى ءىس شارادا العان تاجىريبەم قازاقستانداعى ءبىلىم وليمپياداسىنان. ءبىرىنشى ورىن يەلەنۋىمە سەبەپكەر بولدى. 9-شى سىنىپتا قوعامدىق ىستەرمەن اينالىسامىن دەپ شەشتىم. تۇركىستان قالاسىنىڭ «Eco Turkistan» كلۋبىنىڭ مۇشەسى بولدىم جانە ول جەردە ءبىراز تاجىريبە الا وتىرا، كەنتاۋ قالاسىندا ءوزىمنىڭ «Green Team» اتتى جەكە ەكو كلۋبىمدى اشتىم»، دەيدى ول.
11 سىنىپتان باستاپ جوعارى وقۋ ورنىنا ءتۇسۋدى قولعا العان يسلام الەمنىڭ 6 ەلىنەن 40-تان استام ۋنيۆەرسيتەتىنەن شاقىرتۋ الىپ، وبلىستىڭ ابىرويىن اسقاقتاتتى.
يسلامنىڭ تاڭداۋى اقش-تىڭ تەحاس شتاتى، حيۋستون قالاسىنداعى «North American University(NAU)» مەكەمەسىنە ءتۇستى. ۇزدىك وقۋشى شەت ەلدە ءبىلىم الىپ، وتانعا ورالىپ، ەڭبەك ەتۋدى كوزدەپ وتىر.
