«مەملەكەتتىك قىزمەتتىڭ 736 ءتۇرىنىڭ 546 -ى وسى حالىققا قىزمەت ورتالىقتارىندا كورسەتىلەدى. ەگەردە بۇرىن ءبىر تەرەزە قاعيداسى بويىنشا جۇمىس جاساساق، بۇگىندە ءبىر ءوتىنىش ءپرينسيپى بويىنشا قىزمەت كوسرەتۋدەمىز. كەلگەن ازاماتشاعا ءبىر ءوتىنىش بويىنشا تۋۋ تۋرالى كۋالىك، كۇتىمى جايلى قۇجات جانە كەزەككە دە قويامىز. بۇل جاڭاشىلدىق بويىنشا ءبىز تمد اراسىندا كوش باسىندامىز. سيفرلى قازاقستان باعدارلاماسى اياسىندا ەلەكتروندى فورماتتا قىزمەت الۋعا بولادى»، – دەدى ءوز سوزىندە ءمادي امانجول.
«ازاماتتارعا ارنالعان ۇكىمەت» مەملەكەتتىك كورپوراسياسىنىڭ وڭىرلىك فيليالى قارقىندى جۇمىس رەجيىمىنە كوشكەن.
فيليال قۇرامىنداعى 25 فرونت-وفيس پەن 34 بەك-كەڭسەلەردە مىڭنان استام مامان حالىققا قىزمەت كورسەتەدى. ءبىر انىقتاما ءۇشىن تالاي تابالدىرىقتى توزدىرۋ وتكەننىڭ ەنشىسىندە ەكەنىن ۇعىندىرعاندار مۇنداي اكسيالاردى ءجيى ۇيىمداستىرۋعا بەل بايلاپ وتىر.
«جۇلدىزدىڭ حالىققا قىزمەت كورسەتۋ ورتالىعىنداعى ءبىر كۇنى» اكسياسى مەملەكەتتىك كورپوراسيانىڭ بارلىق فيليالدارىندا ءوتىپ جاتىر. ونەر مايتالماندارى مەن سپورت شەبەرلەرى سيفرلىق قازاقستان باعدارلاماسى اياسىندا ەلەكتروندىق قىزمەتتەردى حالىق اراسىندا كەڭىنەن ناسيحاتتاپ ءجۇر.
