شارانىڭ ماقساتى – مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى ۇلتتىق بىرگەيلىكتى ساقتاۋ، ۇلتتىق قود سىندى باستامالارعا قولداۋ كورسەتۋ.
ايتۋلى شارادا وبلىستىق ەتنومادەني بىرلەستىكتەردىڭ قولونەر بۇيىمدارى مەن ۇلتتىق اسپاپتارىنان كورمە ۇيىمداستىرىلدى.
مەرەكەلىك جيىندا تۇركىستان وبلىسى اكىمىنىڭ ورىنباسارى ۇلاسبەك سادىبەكوۆ ءوڭىر تۇرعىندارىن ايتۋلى مەرەكەمەن قۇتتىقتادى.
– «قازاقستان حالقىنىڭ تىلدەرى كۇنى» مەرەكەسىنە وراي تۇركى دۇنيەسىنىڭ قاراشاڭىراعى – تۇركىستاندا ءوتىپ جاتقان تۇڭعىش وبلىستىق ءتىل فەستيۆالى قۇتتى بولسىن! تۇركىستان – قازاق رۋحانياتىنىڭ التىن بەسىگى، ۇلتتىق قۇندىلىقتاردىڭ قازىنالى دىڭگەگى. تۇركىستاندىقتار ءتىل مەن ءداستۇر، تاريح پەن تاربيە تۇرعىسىندا بايتاق قازاقستانىمىزدىڭ بارلىعىنا ۇلگى-ونەگە بولۋى كەرەك، – دەدى ول.
جيىن بارىسىندا وڭىردە ءتىل ساياساتىنىڭ جۇزەگە اسۋىنا لايىقتى ۇلەس قوسىپ جۇرگەن ءبىرقاتار ازاماتتار ماراپاتتالدى. سونداي-اق، وبلىستىق كۇردى ەتنومادەني بىرلەستىگىنىڭ ءتوراعاسى ازيمباي ناديروۆ ءسوز سويلەپ، تۇركى الەمىنىڭ مادەني-رۋحاني استاناسىندا قازاقستاندىقتاردىڭ تاتۋلىعىن پاش ەتەتىن ورتالىق ازيادا تەڭدەسسىز كورىكتى «بىرلىك» اركاسىن سالۋدى ۇسىندى. بۇل ءوز كەزەگىندە تۋريستەردىڭ تاماشالايتىن كورىكتى ورنىنا اينالاتىندىعىن جانە بىرلىكتىڭ ءبىر نىشانى بولاتىندىعى جونىندە اتاپ ءوتتى. تىلدەر مەرەكەسىندە كەلەشەكتە وبلىس ورتالىعىندا بوي كوتەرەتىن «دوستىق» ءۇيىنىڭ العاشقى جادىگەرى رەتىندە «دوستىق كىلەمى» سىيعا تارتىلدى.
سالتاناتتى شارادا قازاقستاندىقتاردىڭ بەرەكەلى بىرلىگىن دارىپتەيتىن «شاڭىراق» پوەتيكالىق-حورەوگرافيالىق كومپوزيسياسى ساحنالانىپ، ەتنومادەني بىرلەستىكتەردىڭ جانىنداعى شىعارماشىلىق ۇجىمداردىڭ قاتىسۋىمەن كونسەرتتىك باعدارلاما ءوتتى.
ايتا كەتەتىنى، قازىرگى تاڭدا وبلىستىڭ بارلىق اۋدان، قالالارىندا مەملەكەتتىك ءتىلدى جانە ورىس، اعىلشىن تىلدەرىن تەگىن وقىتاتىن ورتالىقتار جۇمىس ىستەيدى. وڭىردەگى ەتنوس وكىلدەرىنىڭ 84 پايىزى مەملەكەتتىك ءتىلدى ەركىن مەڭگەرگەن.
تۇركىستان وبلىسى اكىمىنىڭ باسپا ءسوز قىزمەتى
