ءىس-شارانىڭ ماقساتى – مەملەكەتتىڭ سىبايلاس جەمقورلىققا قارسى ساياساتىنىڭ تيىمدىلىگىن ارتتىرۋ، جەمقورلىقتىڭ كەز كەلگەن كورىنىسىنە «مۇلدەم توزبەۋشىلىك» احۋالىن جاساۋ، جەمقورلىق دەڭگەيىن تومەندەتۋ.
جيىنعا تۇركىستان وبلىسى ءدىن ىستەرى باسقارماسىنىڭ باسشىسى رۇستەم سابىرجان ۇلى ءتوراعالىق ەتتى.
ءىس-شارادا «تۇركىستان – ادالدىق الاڭى» جوبالىق كەڭسەسىنىڭ جەتەكشىسى نۇرجاحان ابۋوۆا، قمدب-نىڭ تۇركىستان وبلىسى بويىنشا نايب يمامى سەركەباي تاڭات، وبلىستىق ءدىن ىستەرى باسقارماسىنىڭ «ءدىن ماسەلەلەرىن زەرتتەۋ ورتالىعى» كمم تەولوگى نۇرلىحان امزەيەۆ بايانداما جاسادى.
دوڭگەلەك ۇستەلگە قمدب-نىڭ تۇركىستان وبلىسى بويىنشا وكىلدەرى قاتىستى. قمدب-نىڭ تۇركىستان وبلىسى بويىنشا وكىلدەرى ۋاعىز-ناسيحاتتارىندا پارا بەرۋ دە، پارا الۋ دا، ورتادا دانەكەر بولۋ دا شاريعاتىمىزدا ۇلكەن كۇنا ەكەنىندىگى تۋرالى جۇرتشىلىققا تۇسىندىرمە جۇمىستارى جۇرگىزىلىپ جاتقاندىعىن جەتكىزدى.
باياندامالار وقىلىپ بولعان سوڭ، ۇسىنىستار مەن پىكىرلەر تىڭدالىپ، وبلىستىق ءدىن ىستەرى باسقارماسىنىڭ باسشىسى جيىندى قورىتىندىلادى.
