Túrkistan oblysynyń din isteri basqarmasynyń uıymdastyrýymen «Sybaılas jemqorlyqpen kúres – ortaq is» taqyrybynda dóńgelek ústel ótkizildi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

İs-sharanyń maqsaty – memlekettiń sybaılas jemqorlyqqa qarsy saıasatynyń tıimdiligin arttyrý, jemqorlyqtyń kez kelgen kórinisine «múldem tózbeýshilik» ahýalyn jasaý, jemqorlyq deńgeıin tómendetý.

Jıynǵa Túrkistan oblysy din isteri basqarmasynyń basshysy Rústem Sabyrjanuly tóraǵalyq etti.

İs-sharada «Túrkistan – adaldyq alańy» jobalyq keńsesiniń jetekshisi Nurjahan Abýova, QMDB-nyń Túrkistan oblysy boıynsha naıb ımamy Serkebaı Tańat, Oblystyq din isteri basqarmasynyń «Din máselelerin zertteý ortalyǵy» KMM teology Nurlyhan Ámzeev baıandama jasady.

Dóńgelek ústelge QMDB-nyń Túrkistan oblysy boıynsha ókilderi qatysty. QMDB-nyń Túrkistan oblysy boıynsha ókilderi ýaǵyz-nasıhattarynda para berý de, para alý da, ortada dáneker bolý da sharıǵatymyzda úlken kúná ekenindigi týraly jurtshylyqqa túsindirme jumystary júrgizilip jatqandyǵyn jetkizdi.

Baıandamalar oqylyp bolǵan soń, usynystar men pikirler tyńdalyp, oblystyq din isteri basqarmasynyń basshysy jıyndy qorytyndylady.