تٷركٸستاندا سابىر راقىموۆ دوداسىنىڭ جەڭٸمپازدارى مەن جٷلدەگەرلەرٸ انىقتالدى
تٷركٸستاندا زامان تالابىنا ساي بوي تٷزەگەن «OLIMPIC CENTER» سپورت كەشەنٸندە ٶتكەن حالىقارالىق سايىسقا رەسەي, ٶزبەكستان, قىرعىزستان, تəجٸكستان مەن قازاقستاننان ەڭ تاڭداۋلى جاس بالۋاندارى قاتىستى. حالىقارالىق تۋرنيرگە ەرلەردەن 410 بالۋان قاتىسسا, قىزداردان 110-نان استام بۇرىمدى سپورتشى باقتارىن سىنادى. 11 سالماق بويىنشا جٷلدەلەر ساراپقا سالىندى.
حالىقارالىق تۋرنيردە تٷركٸستان وبلىسىنىڭ نامىسىن قورعاپ, 52 كەلٸدە ٶنەر كٶرسەتكەن دٸنمۇحامەد مەرگەنباي قولا جٷلدە يەلەندٸ. بۇدان بٶلەك قۋاندىق شالقار دا قولا مەدالدٸ قاناعات ەتتٸ. ال 79 كەلٸدە ەلنار شٸلدەباي التىن مەدالدٸ قانجىعاسىنا بايلاسا, وسى سالماقتا تٷركٸستاندىق بەكزات تٸلدەباەۆ پەن 86 كەلٸدە باق سىناعان يمانعالي قالدىبەك قولا جٷلدەنٸ ەنشٸلەدٸ.
باتىر بابانىڭ جٷلدەسٸنە ارنالعان حالىقارالىق سايىستا تٷركٸستان وبلىسىنىڭ دارىندى بالۋان قىزدار جارادى. 50 كەلٸدە تٷركٸستاندىق بالجان شəكٸر جەڭٸمپاز اتانىپ, التىن مەدال جەڭٸپ الدى. سونىمەن قاتار 53 كەلٸدە بەلدەسكەن شۇعىلا ٶمٸربەك — كٷمٸس, ال, ەڭلٸك قابىلبەك قولا جٷلدەگەر اتاندى. داناگٷل مəلكەن تۋرنيردٸڭ جەڭٸمپازى اتانسا, مادينا امان كٷمٸس القانى ەنشٸلەدٸ. نۋليفار رايموۆا قولا جٷلدەگەر اتانسا, شəمشييابانۋ تاستانبەك كٷمٸس جٷلدەگە يە بولدى. 72 كەلٸ سالماقتا شەبەرلٸگٸن كٶرسەتكەن نۇرجامال نۇرما كٷمٸس القانى مٸسە تۇتسا, 76 كەلٸ سالماقتاعى جاس سپورتشى قىز ارايلىم التىنبەك تە كٷمٸس جٷلدەگەر اتاندى. تۋرنيردٸڭ جەڭٸمپازدارى مەن جٷلدەگەرلەرٸ باعالى سىيلىقتارمەن, ديپلوممەن ماراپاتتالدى.
بۇل سايىستا رەسەي, ٶزبەكستان, قىرعىزستان تəجٸكستان بالۋاندارىنىڭ دا مىقتى ەكەندٸگٸ اڭعارىلدى. ولار دا جٷلدەلٸ ورىنداردان كٶرٸندٸ.
