دٷنيەجٷزٸ قازاقتارى قاۋىمداستىعى تٶراعاسىنىڭ بٸرٸنشٸ ورىنباسارى زاۋىتبەك تۇرىسبەكوۆتىڭ تىڭ يدەياسىن قر پرەزيدەنتٸنٸڭ تەلەراديو كەشەنٸ جٷزەگە اسىرعان. سوڭعى ٷش جىلدا قۇندى دەرەكتەرمەن تولىقتىرىلعان دەرەكتٸ فيلمنٸڭ العاشقى كٶرەرمەندەرٸ ق. ا. ياساۋي اتىنداعى قازاق-تٷرٸك ۋنيۆەرستيتەتٸنٸڭ ستۋدەنتتەرٸ بولدى.
نۇرتاس وڭداسىنوۆ زاماننىڭ اۋىر كەزەڭٸندە 13 جىل بويى قازاقستان حالىق كوميسسارلار كەڭەسٸنٸڭ تٶراعاسى بولدى. ٷكٸمەت باسىنا كەلٸسٸمەن بٸرٸنشٸ كەزەكتە ەلدە جٷرٸپ جاتقان ساۋاتسىزدىقتى جويۋدى قولعا الادى. شالعاي اۋدانداردا مۇعالٸمدەر دايارلايتىن كۋرستار, ۋچيليششە, وبلىس ورتالىقتارىندا مۇعالٸمدەر ينستيتۋتىن اشتى.
حالقىمىزدىڭ پەرزەنتتەرٸ ەبٸش كەكٸلباەۆ پەن فاريزا وڭعارسىنوۆانىڭ ەدەبيەت سالاسىنىڭ شىڭىنا جەتۋٸنە نۇرتاس اعامىز ىقپال جاسادى.
الماتىداعى اباي ەسكەرتكٸشٸنٸڭ اۆتورى حاكٸمجان ناۋرىزباەۆتى دا قوستانايعا بارعان ٸسساپارىندا بايقاپ, الماتىعا الىپ كەلٸپ, وقىتىپ, ات باعۋشىدان قازاقتىڭ تۇڭعىش مٷسٸنشٸسٸن تەربيەلەگەن, عالىم قانىش ساتباەۆتىڭ جۇلدىزىن جارقىراتقان نۇرتاس وڭداسىنوۆ ەدٸ.
ال فيلمنٸڭ اۆتورى نازگٷل ەبۋتۇراپوۆا: «قازاق دالاسى ۇلى تۇلعالاردان, ۇلى دانالاردان كەندە ەمەس. قاشاندا كەندە بولماعان. تەك ونى عاسىرلار ٶتكەن سايىن شاڭ باسىپ, ارحيۆتە قالادى. تاريحتا قالعان كەرەمەت عاجايىپتار, تۇلعالار, دەرەكتەر بار. سولاردىڭ تەك جوقتاۋشىلارى جوق. ٸزدەۋشٸسٸ جوق جەردە التىن دا جارقىرامايدى. سولاردى ٸزدەپ تابۋىمىز كەرەك دەپ ويلايمىن. نۇرتاس وڭداسىنوۆ جايلى فيلمنٸڭ تاقىرىبىن «بيلٸكتەن بيٸك تۇلعا» دەپ قويعان سەبەبٸمٸز, ول كٸسٸ ۇلتىنىڭ مٷددەسٸ ٷشٸن قىزمەت ەتكەن. ۇلتىنىڭ بولاشاعى ٷشٸن ٶزٸنٸڭ بەدەلٸن, جيناعان بٷكٸل, مانسابىن دەيمٸز بە, جەتٸستٸگٸن دەيمٸز بە — بارلىعىن تەرك ەتكەن. قازٸر «رۋحاني جاڭعىرۋ» دەپ جاتىرمىز. نەگە رۋحىمىزدى, ٶزٸمٸزدٸ جاڭعىرتۋعا, تاريحىمىزدى تولىقتىرۋعا ەرەكەت جاسامايمىز?نەگە تويحانالار سالىپ, وڭاي تابىسقا كەنەلەمٸز? توي قازاق ٷشٸن ٸندەت. ودان ارىلۋىمىز كەرەك. ويلاناتىن, جان- جاعىمىزعا كٶز سالاتىن ۋاقىت كەلدٸ. اينالامىزدا تٶنٸپ تۇرعان قاۋٸپ-قاتەردەن ساقتانۋىمىز كەرەك. ول ٷشٸن ەلباسىنىڭ رۋحاني جاڭعىرۋ باستاماسىن ەربٸرٸمٸز قولداپ, مٸندەتٸمٸزدٸ, جۇمىسىمىزدى تيياناقتى ادال اتقارۋىمىز كەرەك», – دەگەن پٸكٸر بٸلدٸردٸ.
