تاۋار وندىرۋشىلەردى وتاندىق جەمىس پەن ءجۇزىمنىڭ ەليتالىق كوشەتىمەن قامتاماسىز ەتۋ ماقساتىندا 7 كوشەت وندىرەتىن ەليتالىق شارۋاشىلىق ۇيىمداستىرىلعان.
ايتا كەتسەك، بۇدان بۇرىن تۇركىستان وبلىسىنا ارنايى كەلگەن ق ر پرەمەر-مينيسترىنىڭ ورىنباسارى – اۋىل شارۋاشىلىعى ءمينيسترى ءومىرزاق شوكەيەۆ پرەزيدەنتتىڭ قازاقستان حالقىنا ارناعان جولداۋىندا اگروونەركاسىپ كەشەنىنىڭ الەۋەتىن تولىق ىسكە اسىرۋ كەرەكتىگىن جانە نەگىزگى مىندەت - ەڭبەك ونىمدىلىگى مەن قايتا وڭدەلگەن اۋىل شارۋاشىلىعى ءونىمىنىڭ ەكسپورتىن 2022 جىلعا قاراي 2،5 ەسە كوبەيتۋ تۋرالى تاپسىرما بەرگەنىن ايتىپ، اگروونەركاسىپ كەشەنىندە اتالعان تاپسىرماعا قول جەتكىزۋ ءۇشىن سالانى ءارتاراپتاندىرۋ، ونىڭ ىشىندە مال شارۋاشىلىعىن دامىتۋدىڭ الاتىن ورنى ەرەكشە ەكەنىن اتاپ وتكەن.
بۇل رەتتە، ءو.شوكەيەۆكە «تۇركىستان وبلىسىنىڭ ەت كلاستەرىن» ودان ءارى دامىتۋ ماقساتىندا تاياۋدا جۇمىسىن باستايتىن سايرام اۋدانىنداعى «Nurym Group» ءجشس-ى كورسەتىلگەن ەدى.
اۋداننىڭ مانكەنت اۋىلىنان اشىلاتىن مال بورداقىلاۋ الاڭى «قايىپ اتا» ءجشس-نىڭ ەنشىلەس ۇيىمى بولىپ تابىلادى.
نەگىزگى باعىتى - 10 000 باس ءىرى قارا مالداردى بورداقىلاۋ الاڭىندا سەمىرتۋ، سونىمەن قاتار، قۇراما جەم سەحى مەن مال سويۋ الاڭىمەن قامتۋ. جوبانىڭ قۇنى 3،456 ملرد تەنگە. قارجىلاندىرۋ كوزى - 2،368 ملرد. تەڭگە جەكە قارجىسى، 1 088 ملرد تگ نەسيەلىك قارجى. بولاشاقتا 80 ادامدى جۇمىسپەن قامتۋدى كوزدەپ وتىرعان سەرىكتەستىك جىلىنا 5 مىڭ توننا ەت وندىرەتىن بولادى.
