بۇگىن تۇركىستان قالاسىندا “تازا قازاقستان” رەسپۋبليكالىق ەكولوگيالىق اكسياسى اياسىنداعى “تازا ولكە” اپتالىعىندا جالپىقالالىق سەنبىلىك ءوتتى.
تازالىق شاراسىنا 5 مىڭنان استام ادام قاتىستى. ولاردىڭ قاتارىندا جەرگىلىكتى تۇرعىندار مەن ءتۇرلى مەكەمەلەر قىزمەتكەرلەرى بار.
اسىرەسە قاراپايىم شاھار تۇرعىندارى اسا بەلسەندىلىك تانىتۋدا. سەنبىلىكتە ساياباقتار، سكۆەرلەر، مەكەمە اۋلالارى، كوشە بويلارى، ارىق-اتىزدار تازالاندى. كوشەتتەر ەگىلىپ، تالدار اكتەلدى. ارنايى 25 تەحنيكا جۇمىلدىرىلدى. جالپى بۇگىنگى شارادا جالپى 170 توننا قوقىس شىعارىلدى.
