القالى باسقوسۋعا ستيللوۆاتو الەكس («ARM Wind» ج ش س)، فۋرسايەۆ اندرەي («HEVEL Kazakhstan» ج ش س)، سارسەكەيەۆ سىرىمبەك، («تۇركىستان ياسسى» ج ش س)، ماحامبەت كايساربەك («Sauran Bricks» ج ش س)، سادكوۆ نيكولاي («Ecoculture Eurasia» ج ش س)، شونبەرگەر الويس («EcoInvest» ج ش س)، باباكۋلوۆ نۋرلان («CAPABLE GROUP» ج ش س)، كاسكابايەۆ مەيربەك («RZN» ج ش س)، ۆاسيتوۆا ۋگيلجان («تۋركەستان اگرو XXI» ج ش س) قاتىستى.
وڭىرلىك ينۆەستورلار كەڭەسىنىڭ نەگىزگى ماقساتى يندۋستريالىق كلاستەرلەردى قۇرۋ جانە جاڭا جۇمىس ورىندارىن اشۋ ءۇشىن ءوڭىردىڭ ينۆەستيسيالىق تارتىمدىلىعىن جاقسارتۋ، سونداي-اق ينۆەستورلار ءۇشىن قولايلى جاعدايلار جاساۋ.
تۇركىستان قالاسىنا وبلىس ورتالىعى مارتەبەسىن بەرۋ قالاعا عانا ەمەس، بۇكىل وڭىرگە ينۆەستيسيالار تارتۋعا ايتارلىقتاي سەرپىن بەردى.
وبلىس قۇرىلعان ساتتەن باستاپ ءوڭىر ەكونوميكاسىنا 2،2 ترلن تەڭگەدەن استام قارجى باعىتتالدى. ينۆەستيسيالاردىڭ نەگىزگى ۇلەسى ونەركاسىپ، تۋريزم، اۋىل شارۋاشىلىعى سياقتى سالالارعا باعىتتالدى، سونداي-اق جاڭارتىلاتىن ەنەرگيا كوزدەرى سالاسىندا ايتارلىقتاي ديناميكا بايقالادى.
بۇگىنگى تاڭدا تۇركىستان وبلىسى بيزنەستى جۇرگىزۋ جەڭىلدىگى بويىنشا قازاقستانداعى ەڭ ۇزدىك وڭىرلەردىڭ ءبىرى بولىپ تابىلادى. وبلىستا ارنايى ەكونوميكالىق جانە يندۋستريالىق ايماقتار جۇمىس ىستەيدى.
سونداي-اق، مەملەكەت باسشىسىنىڭ باستاماسى بويىنشا «TURAN» حالىقارالىق ارنايى ەكونوميكالىق ايماعىن قۇرۋ بويىنشا جۇمىس جۇرگىزىلۋدە.
كەڭەس وتىرىسى باسىندا وبلىس اكىمىنىڭ ورىنباسارى ينۆەستيسيالىق احۋالدى جاقسارتۋ، ينۆەستيسيالاردى تارتۋ ءبىزدىڭ نەگىزگى مىندەتتەرىمىز ەكەنىن اتاپ ءوتىپ، ايماقتىڭ دامۋىنا قوسقان باعا جەتپەس ۇلەستەرى ءۇشىن ينۆەستورلارعا العىس ءبىلدىردى.
– 2022 جىلعا جىل سوڭىنا دەيىن 74 ملرد تەڭگە سوماسىنا 13 جوبا ىسكە قوسىلادى دەپ كۇتىلۋدە. وسى جوبالاردى ىسكە اسىرۋ 1 000-نان استام ادامدى جۇمىس ورىندارىمەن قامتاماسىز ەتۋگە مۇمكىندىك بەرەدى. جالپى، 2025 جىلعا دەيىن جالپى سوماسى 1 ترلن بولاتىن 44 ينۆەستيسيالىق جوبا ىسكە قوسىلادى دەپ كۇتىلۋدە. 10 مىڭنان استام جاڭا جۇمىس ورنى بولماق، – دەدى ينۆەستيسيا جانە ەكسپورت باسقارما باسشىسىنىڭ ورىنباسارى قانات شونباسوۆ.
سونداي-اق، كەڭەس وتىرىسىندا جوبالاردىڭ اعىمداعى مارتەبەسى جانە پروبلەمالىق ماسەلەلەر ۇسىنىلدى. وبلىستىڭ باسىم سالالارى بويىنشا، ول – جاسىل ەكونوميكا، تۋريزم، ونەركاسىپ جانە اۋىلشارۋاشىلىعى جوبالارى، سونداي-اق الەۋمەتتىك جاۋاپكەرشىلىگى بار جوبالار.
