كونفەرەنسيا اياسىندا ق ر مادەنيەت جانە سپورت ءمينيسترى ارىستانبەك مۇحاممەدي ۇلى مەن تۇركىستان وبلىسىنىڭ اكىمى ج.قانسەيىت ۇلىنىڭ ارنايى قۇتتىقتاۋلارى وقىلىپ، العىس حاتتارى تابىستالدى.
سونىمەن قاتار، مۋزەي سالاسىن دامىتۋعا ەڭبەك سىڭىرگەن باسشىلار مەن قىزمەتكەرلەر "ازىرەت سۇلتان" قورىق-مۋزەيىنىڭ 40 جىلدىعى مەدالىمەن ماراپاتتالدى.
كونفەرەنسيانى ق ر مادەنيەت جانە سپورت مينيسترلىگى، «ازىرەت سۇلتان» مەملەكەتتىك تاريحي-مادەني قورىق-مۋزەيى، قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتى جانە تۇركىستان وبلىسى اكىمدىگىنىڭ بىرلەسۋىمەن وتۋدە.
كونفەرەنسيانىڭ ماقساتى – ەلباسى ن.ءا.نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا كورسەتىلگەن تاريحي-مادەني مۇرالار مەن قاسيەتتى ورىنداردى ناسيحاتتاۋ، ۇلى جىبەك جولى بويىندا ورنالاسقان قالالاردىڭ الەمدىك مادەنيەتكە قوسقان ۇلەسىن جانە قازاق حاندىعىنىڭ عاسىرلار بويى رۋحاني استاناسى بولىپ كەلگەن تۇركىستاننىڭ ورنى مەن ءرولى جانە وتاندىق مۋزەي سالاسىنداعى اكتۋالدى پروبلەمالاردى ساراپتاۋ، تالداۋعا ارنالعان.
كونفەرەنسيادا «تۇركىستان جازيراسىندا ورتاعاسىرلىق قونىستار، قالالار مەن استانالار»، «ۇلى جىبەك جولى جانە ورتاعاسىرلىق قالالارداعى عىلىم مەن مادەنيەت»، «شەتەلدىك زەرتتەۋشىلەر مەن ساياحاتشىلار ەڭبەكتەرىندەگى ورتاعاسىرلىق قالالار» دەگەن تاقىرىپ اياسىندا عالىمدار وي ءبولىستى.
جيىنعا تۇركيا، وزبەكستان، ازەربايجان، ۋكراينا ەلدەرىمەن جانە وتاندىق عالىمدار مەن مۋزەي ءىسىنىڭ ماماندارى قاتىسۋدا.
