Konferensıa aıasynda QR Mádenıet jáne sport mınıstri Arystanbek Muhammedıuly men Túrkistan oblysynyń ákimi J.Qanseıitulynyń arnaıy quttyqtaýlary oqylyp, alǵys hattary tabystaldy.
Sonymen qatar, mýzeı salasyn damytýǵa eńbek sińirgen basshylar men qyzmetkerler "Áziret Sultan" qoryq-mýzeıiniń 40 jyldyǵy medalimen marapattaldy.
Konferensıany QR Mádenıet jáne sport mınıstrligi, «Áziret Sultan» memlekettik tarıhı-mádenı qoryq-mýzeıi, Qoja Ahmet Iasaýı atyndaǵy Halyqaralyq qazaq-túrik ýnıversıteti jáne Túrkistan oblysy ákimdiginiń birlesýimen ótýde.
Konferensıanyń maqsaty – Elbasy N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynda kórsetilgen tarıhı-mádenı muralar men qasıetti oryndardy nasıhattaý, Uly Jibek joly boıynda ornalasqan qalalardyń álemdik mádenıetke qosqan úlesin jáne Qazaq handyǵynyń ǵasyrlar boıy rýhanı astanasy bolyp kelgen Túrkistannyń orny men róli jáne otandyq mýzeı salasyndaǵy aktýaldy problemalardy saraptaý, taldaýǵa arnalǵan.
Konferensıada «Túrkistan jazırasynda ortaǵasyrlyq qonystar, qalalar men astanalar», «Uly Jibek joly jáne ortaǵasyrlyq qalalardaǵy ǵylym men mádenıet», «Sheteldik zertteýshiler men saıahatshylar eńbekterindegi ortaǵasyrlyq qalalar» degen taqyryp aıasynda ǵalymdar oı bólisti.
Jıynǵa Túrkıa, Ózbekstan, Ázerbaıjan, Ýkraına elderimen jáne otandyq ǵalymdar men mýzeı isiniń mamandary qatysýda.
