تٷركٸستاندا “تازا قازاقستان” جوباسى اياسىندا تروپيكالىق اعاشتار ەگٸلدٸ, دەپ حابارلايدى Dalanews.kz تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸنە سٸلتەمە جاساپ.
تٷركٸستان قالاسىنداعى بەلسەندٸ دەمالىس ساياباعىنىڭ بوتانيكالىق باعىندا «تازا قازاقستان» رەسپۋبليكالىق ەكولوگييالىق اكتسيياسىنىڭ «تازا ٶلكە» اپتالىعى اياسىندا تروپيكالىق ٶسٸمدٸكتەر ەگٸلۋدە.
بەلسەندٸ دەمالىس ساياباعىنىڭ جالپى اۋماعى – 10,5 گەكتار. كٶگالداندىرۋ الاڭى – 61 891,78 شارشى مەتردٸ قۇرايدى.
ساياباقتىڭ اۋماعىندا ورنالاسقان بوتانيكالىق باق كەلەشەكتە سۇرانىسى جوعارى دەمالىس ورنىنا اينالماق. ايتا كەتەيٸك, ەلٸمٸزدە بالاماسى جوق بۇل ساياباقتا تروپيكالىق گٷلدەر مەن تالدار ٶسٸرٸلەدٸ. ارنايى جىلىجاي-عيماراتىندا جىلىتۋ جٷيەسٸنٸڭ ارقاسىندا ساياباق جىل بويى جاسىل بولىپ تۇرادى. ساياباققا تٷرلٸ قۇستار, بالىقتار ەكەلٸنەدٸ دەگەن جوسپار بار. بٷگٸندە تالدار مەن گٷلدەر ەگٸلٸپ, كٶگالدار تٶسەلگەن.
