4 ماۋسىم – قازاقستان رەسپۋبليكاسىنىڭ مەملەكەتتٸك رەمٸزدەر كٷنٸ قارساڭىندا ىنتىماعى مەن بٸرلٸگٸ جاراسقان سوزاق اۋىلىنىڭ جاستارى يگٸلٸكتٸ ٸستٸڭ جارشىسى بولدى. اتالعان اۋىلداعى سوزاق جالپى ورتا مەكتەبٸ گيمنازيياسىنان 20 جىل بۇرىن تٷلەپ ۇشقان ازاماتتار اۋىلعا كٸرەبەرٸس تۇستاعى «جاستار» ساياباعىنىڭ الدىنا بيٸكتٸگٸ 25 مەترلٸك «تۋ تۇعىرىن» ورناتىپ, «رەمٸزدەر اللەياسىن» تارتۋ ەتتٸ.
بٷگٸن مەرەكەگە وراي سوزاق اۋىلدىق وكرۋگٸ ەكٸمدٸگٸ مەن اۋىل جاستارىنىڭ ۇيىمداستىرۋىمەن اتالعان اللەيادا مەملەكەتتٸك تۋ كٶتەرٸلٸپ, ەنۇران شىرقالدى.
– «ساۋساق بٸرٸكپەي, ينە ٸلٸكپەس» دەگەن ۇلاعاتتى سٶز بار دانا حالقىمىزدا. تۋعان جەرگە تيتٸمدەي بولسا دا جاقسىلىق جاساۋ – بٸزدٸڭ پەرزەنتتٸك پارىزىمىز. ەلتاڭبا, تۋ, ەنۇران – بۇل تەۋەلسٸزدٸگٸمٸزدٸڭ باستى سيمۆولدارى. سىنىپتاستارمەن اقىلداسا كەلە, پاتريوتتىق رۋح سىيلايتىن ەرٸ ٶزٸمٸزدٸڭ ارتىمىزدان ەرٸپ كەلە جاتقان كەيٸنگٸ جاستارعا ٷلگٸ بولسىن دەگەن نيەتپەن وسىنداي تارتۋ جاساۋدى جٶن كٶردٸك. الداعى ۋاقىتتا دا اۋىلدىڭ كٶركەيٸپ, گٷلدەنۋٸنە اتسالىسامىز, – دەيدٸ ول.
اۋىل تۇرعىندارى دا ٶسكەن ٶلكەسٸنە قۇرمەتپەن قاراعان تٷلەكتەرگە دەن ريزا. اۋىل وكرۋگٸنٸڭ ەكٸمٸ باتىرحان اياپوۆ تٷلەكتەرگە العىسىن ايتىپ, اۋىلدىڭ اجارلانۋىنا جۇمىلا قولداۋ كٶرسەتٸپ جٷرگەن ازاماتتاردىڭ ٸسٸ كٶپكە ٷلگٸ ەكەنٸن جەتكٸزدٸ.
ەسكە سالا كەتسەك, بيىل بٸلٸم وردالارىنداعى سوڭعى قوڭىراۋ قارساڭىندا وبلىستا 20 جىل بۇرىن مەكتەپ بٸتٸرگەن تٷلەكتەر 6 باسپانا, 1 اللەيا, 1 ايالداما جەنە 1 سپورت كەشەنٸن سىيعا تارتتى.
